Аймақтар • 29 Қаңтар, 2020

БҚО мекеме басшыларын түрмеге апарды

460 реткөрсетілді

28 қаңтар күні «Ақжайық – адалдық алаңы» жобасы аясында Батыс Қазақстан облысы бойынша Сыбайлас жемқорлыққа қарсы қызмет департаменті облыстық қылмыстық-атқару жүйесі департаментімен бірлесіп өңірдегі мемлекеттік органдар басшыларына тергеу изоляторына экскурсия ұйымдастырды.

«Өз бостандығыңды бағала» деп аталған акцияға облыстағы мемлекеттік органдардың 25 басшысы қатысқан.

Іс-шара барысында Қазақстан Республикасы Ішкі істер министрлігі қылмыстық атқару жүйесіне қарасты РУ-170/1 мекемесінің қызметкерлері қамаудағылардың мекенжайын, тұрмыс-жағдайын көрсетті. Халық арасында «түрме» деп аталатын арнайы мекемелердің тар дәліздері, қылмыскерлердің серуендеу алаңдары, тергеу-орналастыру орындары орналасқан камералар келушілерге ерекше әсер еткені анық.

- Бұл акция мемлекеттік қызметкерлердің сыбайлас жемқорлыққа қарсы иммунитетін арттыруға бағытталған. Олар сотталғандарды бүгінгі хәлін өз көзімен көріп, сыбайлас жемқорлыққа апаратын құқық бұзушылықтың салдары қандай болатынын сезінуі қажет» делінген Сыбайлас жемқорлыққа қарсы қызмет департаменті таратқан баспасөз парағында.

«Түрме туралы түсірілген талай фильм бар, ол жайында айтылатын әңгіме де көп. Бірақ өз көзіңмен көргеннің әсері бөлек екен» дейді аты-жөнін айтуды қаламаған мемлекеттік мекеме басшыларының бірі.

«Бұл акция болашақта да тұрақты өтіп тұрады» дейді Сыбайлас жемқорлыққа қарсы қызмет департаменті өкілдері.

Соңғы жаңалықтар

Ана тілі – арың бұл...

Руханият • Бүгін, 13:10

Күрес: Алғашқы күні үш қола

Күрес • Бүгін, 09:00

Қылмыстық іс қозғалды

Аймақтар • Кеше

Басты ақпарат (21.02.2020)

Видео • 21 Ақпан, 2020

Ұқсас жаңалықтар