Аймақтар • 29 Қаңтар, 2020

Шымкентте коронавирусты инфекцияның алдын алу жаттығуы өтті

95 реткөрсетілді

Шымкент қаласының әуежайында коронавирусты инфекцияға күдікті науқас түскен жағдайдағы шаралар бойынша оқу-жаттығу өтті.

Оқу-жаттығуға Шымкент қалалық Денсаулық сақтау басқармасы, Тауарлар мен көрсетілетін қызметтердің сапасы мен қауіпсіздігін бақылау департаменті, Көліктегі тауарлар мен көрсетілетін қызметтердің сапасы мен қауіпсіздігін бақылау департаментінің Шымкент қалалық бөлімшесі, және медициналық ұйымдар қызметкерлері, жедел медициналық жәрдем көрсету қызметі, санитарлық-карантиндік бақылау бекеті, Төтенше жағдайлар департаменті және әуежай қызметкерлері қатысты.

Оқу-жаттығу аталған мекемелердің коронавирусты инфекцияға күдікті науқас тіркелген жағдайда, эпидемияға қарсы шаралар жүргізуге, қала аумағында карантиндік және аса қауіпті инфекциялардың таралуының алдын алуға дайындығын бақылау мақсатында ұйымдастырылды.

Айта кетейік, коронавирусты инфекцияның қала аумағында тіркелуінің және таралуының алдын алу мақсатында тиісті санитариялық-ағарту және түсіндіру жұмыстары жүргізілуде.

Шымкент қалалық Денсаулық сақтау басқармасының баспасөз қызметінің мәліметіне сүйенсек, бүгінгі таңда Шымкент қаласында бұл инфекция тіркелмеген.

 

ШЫМКЕНТ

Соңғы жаңалықтар

Ел әңгімелерін екшеген

Руханият • Бүгін, 07:28

Тарихта қалған індеттер

Тарих • Бүгін, 07:22

Ұқсас жаңалықтар