Президент • 14 Ақпан, 2020

Президент Мюнхен қауіпсіздік конференциясына қатысып жатыр

26 реткөрсетілді

Германия Федеративтік Республикасының Мюнхен қаласында адамзат қауіпсіздігі мәселелері талқыланатын саяси маңызды шаралардың бірі – Мюнхен қауіпсіздік конференциясы 56-рет салтанат құрды. Оған Мемлекет басшысы Қасым-Жомарт Тоқаев қатысып жатыр.

Жиынды Мюнхен қауіпсіздік конференциясының басшысы, дипломат Вольфганг Ишингер ашты.

Одан кейін сөз алған ФРГ президенті Франк-Вальтер Штайнмайер әлемде қауіп-қатердің көбейгенін, мемлекеттердің әлемдегі қауіпсіздікті өз идеяларынан биік қоюы керегін айтты.

Конференцияға 800-ге жуық делегат қатысып жатыр. Ақпанның 14-16 күндері Бавария астанасында «ЕО мен НАТО болашағы», «Киберқауіпсіздік», «Денсаулық сақтау мәселелері», «Сауда соғыстары мен санкциялар», «Жалған ақпарат, насихат пен күмәнді жаңалықтар», «Қытай рөлі мен ЕО-ның Ресеймен және АҚШ-пен қатынасы», «Таяу Шығыстағы ахуал» тақырыптары талқыланбақ.

Бұған дейін айтып өткеніміздей, Қасым-Жомарт Тоқаев биылғы жиынға Мемлекет басшысы ретінде бірінші рет қатысып отыр. Бұған дейін 2015, 2017, 2018, 2019 жылдары Сенат Төрағасы ретінде қатысқан болатын.

 

 

Мюнхен, ГЕРМАНИЯ

Соңғы жаңалықтар

Электр қуаты қымбаттайды

Қоғам • Бүгін, 07:06

Автобус аз, жол ұзақ

Қоғам • Бүгін, 07:02

Қаламгер қолтаңбасы

Таным • Бүгін, 06:58

Басылым басшылары - Ұзақ БАҒАЕВ (1930-1973)

Басылым басшылары • Кеше

Ұқсас жаңалықтар