3 дәрежелі дипломмен марапатталған Рыбалченко В, Степанова Д. ғылыми тәжірибені талқылауда
Шәкірттерді ғылыми ізденістерге тартуда әл-Фараби атындағы Қазақ Ұлттық университетінің химия және химиялық технология факультеті де елеулі жұмыстар атқарып отыр.
Мақсат біреу – жаратылыстану және дәл ғылымдарға қызығушылық танытқан талантты, дарынды балаларды іздеп тауып, ғылымға баулу. Осындай бейімі бар қабілетті оқушылар ғылыми жоба жұмыстарына қатыстырылады. Мектеп оқушыларының кафедрада осындай тәлім-тәрбиеден өтуі жемісін беріп отыр. Мұндай оқушылар келешекте әл-Фараби университетінің үздік студенттерінің қатарын көбейтеді.
Осы бағытта жасалған ғылыми жұмыстар биыл да өз жемісін берді. Жалпы білім беретін пәндер бойынша республикалық ғылыми жобалар конкурсы 11-14 ақпан аралығында әл-Фараби атындағы Қазақ Ұлттық университетінде өткізілді.
Конкурста химия және химиялық технология факультетінің аға оқытушысы Райхан Рахметуллаева жетекшілік еткен Алматыдағы №90 лицейдің 10 сынып оқушысы Бақтияр Иманбаевтың «Медицинаға арналған полимерлі композициялық материалды алу» тақырыбына жасалған жұмысы 2-ші дәрежелі дипломмен марапатталса, химия факультетінің доценті Перизат Үркімбаева жетекшілік еткен 44 мектеп-гимназияның 11 сынып оқушылары Виктор Рыбальченко мен Диана Степанованың «Крахмал негізіндегі биоыдырайтын үлдірлердің синтезі және физика-химиялық қасиеттері» жобасы 3-ші дәрежелі дипломмен марапатталды.
Осылайша балалар оқушыларды ғылымға мектеп қабырғасынан баулу сапасының кафедрада жоғары деңгейде жүргізілгенін тағы да бір дәлелдеді.
Республикалық ғылыми жобалар конкурсы – «Қазақстан – 2050» стратегиясындағы Қазақстан дамуының экономикалық және әлеуметтік-мәдени модельдері» тақырыбындағы оқушылардың ғылыми зерттеулер конкурсы.
Конкурс төрт бағыт бойынша өткізіледі: «Ғылыми-техникалық прогресс – экономикалық өсудің негізгі буыны», «Экономикалық және әлеуметтік процестерді математикалық модельдеу», «Таза табиғи орта – Қазақстан - 2050 стратегиясын іске асырудың негізі», «Қазақстанның тарихи ескерткіштері және болашақ дамуы бар саяхат бағдарлары».
АЛМАТЫ
