Мәскеуде негізінен кешегі кеңес кезеңінде көрерменге кеңінен тараған «Үлкен үзіліс» атты сериалдағы кешкі мектептің орыс тілі мен әдебиеті пәнінің мұғалімі Светлана Афанасьевнаның рөлі арқылы танымал болған актриса Наталья Богунова 9 тамыз күні 66 жасында қайтыс болды. Бұл туралы РИА «Новости» хабарлады.
Наталья Богунова 1948 жылы 8 cәуірде туған. Бірінші рет 11 жасында Игорь Таланкиннің «Вступление» деген фильміне түскен. 1970 ВГИК-ті Борис Бабочкиннің шеберханасында бітіріп шықты. Ол оннан аса картинада рөл сомдады.
Мұрат Айтқожа.