Қазақстан • 21 Ақпан, 2020

ҚазҰУ ректоры Ғалым Мұтанов Үндістанда халықаралық сыйлыққа ие болды

43 реткөрсетілді

Нойда қаласындағы Амити университетінде «Өзгеріске шақыру: технологиялық қоғамдардағы бизнесті басқару стратегиясы» INBUSH ERA-2020 Бүкіләлемдік саммиті өтті. Онда әл-Фараби атындағы ҚазҰУ ректоры академик Ғалым Мұтанов халықаралық сыйлыққа ие болды. Бұл туралы ҚазҰУ-дың баспасөз қызметі хабарлады.

100-ден астам ел өкілдерінің басын қосқан саммитте нәтижелер шығарылып, түрлі номинациялар бойынша халықаралық сыйлықтардың иегерлері анықталды. Қазақстандық ғалым және елдегі жетекші университеттің басшысы «Amity Global Academic Excellence Awards» марапатына ие болды.

«Академик Ғалым Мұтанов әйгілі ғалым, түрлі халықаралық жобалардың бастамашысы және жетекшісі, жоғары мектептің танылған кәсіпқой маманы. Бұл марапат әлемдік ғылыми және білім беру кеңістігінде әл-Фараби атындағы Қазақ ұлттық университетінің алға жылжуына ықпал ететін оның ғылыми еңбегі мен көшбасшылық қасиеттерінің жоғары бағалануы», - деді саммитте сөйлеген Амити университеттері желісінің вице-канцлері Гуриндер Сингх.

Марапат ғаламдық деңгейдегі ғылым, менеджмент және кәсіпкерлік саласындағы көшбасшыларға, жаңашылдарға және көрнекті ғалымдарға беріледі.

Соңғы жаңалықтар

Бензин бағасы арзандады

Экономика • Кеше

14 отбасыға қол ұшын созды

Қазақстан • Кеше

Ұқсас жаңалықтар