Таным • 24 Ақпан, 2020

Өткен ғасыр өрнегі

187 рет
көрсетілді
2 мин
оқу үшін

Ұлттық музейде «Суретшілер мен Целиноград. Тіршілік пен қала» атты көрме ашылды. Іс-шара қаланың айрықша мәдени естелік орны һәм тың өлкесіндегі кәсіби өнерге үлес қосқан тұлғаларға құрмет ретінде Целиноград қаласы Суретшілер одағы мүшелерінің (1961-1997 жж.) шығармашылығына арналған.

Өткен ғасыр өрнегі

Көрменің ашылу рәсімінде Ұлттық музей директорының орынбасары Абай Сатыбалдин елорданың қалыптасуы мен рухани даму тарихына тоқтала келіп, қаланың кеңестік дәуір тұсындағы өсіп-өркендеуі Қазақ­стандағы тың жерлерді иге­румен тікелей байланысты екенін тілге тиек етті.

– Дәл осы кезде Цели­но­­градқа Ленинград жә­не Мәс­­­кеу қалалары шығар­ма­шы­лық жоғары оқу орын­да­ры­ның түлектері жол­да­ма­мен келді. Қазақстан Су­ретшілер одағының Цели­ноград бөлімін құру туралы шешім қабылданған сәт те сол оқиғамен тұспа-тұс келеді. Мына көрмеден Целиноград суретшілерінің қы­зықты, тарихқа бай жұмыс­та­рымен жан-жақты танысып, шы­ғармашылық ізденістеріне куә боласыздар, – деді А.Саты­бал­дин.

Экспозицияға 200-ден астам туынды ұсынылды, олар­­дың арасында Цели­но­град Суретшілер одағы не­гі­зін қалаушылар мен олар­дың шәкірттерінің жар­­ты ғасыр ішіндегі ең­бек­те­рі, атап айтқанда, уақыт бе­­де­рін бей­нелейтін түрлі та­­қы­рыптағы көркем, гра­фи­калық, сәндік-қолданбалы және мүсін туындылары бар. Көрмеге ке­лушілер Нұр-Сұл­тан қаласы Мемлекеттік қалалық мұрағат ұсынған та­­рихи құжаттармен таны­сып, сондай-ақ музей қор­ларынан, жеке адамдар коллекцияларынан, fading.tсe паб­лик-қауымдастығының қа­ты­суымен жинақталған 60-80-жылдарғы тұрмыстық зат­тарды тамашалады.

Көрменің ашылуына су­ретші Михаил Антонюктің қызы Фэйган-Антонюк Оксана ханым қатысты. «Суретшілер де музыканттар мен ақындар сияқты халық. Өнер жай адам­ға қонбайды. Бірақ Құдайдың берген бұл сыйын әрі қарай терең меңгеріп, өнердің биік шыңына қол жеткізу адамның өзінің тынымсыз еңбегіне байланысты. Мұндай қиын жолдан қайсар, еңбекқор адамдар ғана өте алады. Ондай жан­­дар қай кезде де үлкен құр­­метке лайық. Алайда өкі­нішке қарай, кейде руханият екінші планға ысырылып қалып қойып жатады. Сондай сәтте суретші еңбегіне мән беріп, қолдау білдіретін му­зейлердің еңбегін айрықша атап өткім келеді. Өйткені олар­сыз біз өткенімізді танып-біліп, келешегімізді болжай алмай­мыз», деді ол. Көрме осы жыл­дың наурыз айының аяғына дейін жалғасады деп күтілуде.

 

Қаршыға КҮЛЕН

 

Соңғы жаңалықтар

Су үнемдейтін қондырғы

Технология • Кеше