Жамбыл облысы әкімінің орынбасары Мұратхан Шүкеевтің айтуынша, көктемгі егістікке қажетті дәнді масақ тұқымдарының тиісті көлемі әзірленген. Сондай-ақ картоп 90 пайызға, майлы дақылдар 88,7 пайызға, қолданыстағы 8,4 мың бірлік ауыл шаруашылық техникасы 98 пайызға дайын.
Сонымен қатар 18,3 мың тонна дизель отынын арзандатылған бағамен жеткізу наурыз айында басталады деп күтілуде. Сонымен қатар өнімділікті арттыру мақсатында 25,7 мың тонна минералды тыңайтқыштар сатып алу үшін жергілікті бюджеттен 1 миллиард теңге қарастырылмақ.
Жиында Бердібек Сапарбаев жақсы өнім алу үшін сапалы тұқым дайындау мен егудің маңыздылығын атап өтті. «Әсіресе, қант қызылшасы, майлы дақылдар, көкөністер мен бақша дақылдарын көбірек өсіруге ден қойған абзал», деді әкім. Тағы бір айта кететін мәселе, шекара маңындағы аудандардың қажеттіліктеріне көңіл бөліп, маусымдық кезеңде су тапшылығы туындамас үшін қырғыз көршілермен алдын-ала келіссөздер жүргізу қажет.
«Аудандардағы жұмыс сапарымда тұрғындардың дені бос жерлердің жоқтығын айтып шағымдануда. Сондықтан да, ең алдымен талдау, түгендеу жұмыстарын жүргізіп, пайдаланусыз жатқан жерлерді мемлекет меншігіне қайтару және оларды ауыл шаруашылық мақсатында айналымға енгізу негізгі міндет болып отыр», деді Бердібек Сапарбаев.
Жамбыл облысы
