Қамқорлыққа мұқтаж жандардың бірі Құмкент ауыл округіне қарасты, Қызылкөл елді мекенінің тұрғыны Шегебай Сарыбаев жұпыны үйде тұрып келген. Аудан әкімдігі демеуші тауып, аумағы 120 шаршы метр болатын 6 бөлмелі үй алып беруге ұйытқы болды. Аудан тумасы, Шымкент қаласында кәсібін дөңгелетіп жүрген кәсіпкер Сәкен Әшірметов Сарыбаевтар отбасына демеушілік танытып, қолдау көрсетті. Баспаналы болған Шегебай Сарыбаев қаңтар айында зейнетке шыққан. Отбасында 6 жан бар. Қызылкөл елді мекенінде орналасқан үй жарықпен қамтылған, таза ауызсу жүйесі жүргізілген. Ұзақ жылдар кеңшарда, өндірістік кооперативте жұмыс істеген зейнеткер игі іске ұйтқы болған азаматтарға алғысын айтып, ақ батасын берді.
Түркістан облысы
