Қазақстан • 28 Ақпан, 2020

АШМ: Шегірткеге қарсы іс-шара сәуір айында басталады

16 реткөрсетілді

Нұр-Сұлтан қаласында шекаралас аумақтарда шегіртке тектес зиянкестермен және басқа да ауыл шаруашылығы зиянкестерімен күресу мәселелері бойынша Қазақстан Республикасының және РФ Ауыл шаруашылығы министрліктері мамандарының жыл сайын өтетін халықаралық кеңесі өтті. Бұл туралы Ауыл шаруашылығы министрлігінің баспасөз қызметі хабарлады.

Қос тарап 2019 жылы жүргізілген іс-шаралар, шекаралас аумақтардағы шегіртке зиянкестерінің дамуы мен таралуы, ауыл шаруашылығы зиянкестерімен және аурулармен күресу іс-шаралар туралы ақпаратпен алмасты. Сондай-ақ осы бағытта өзара іс-қимыл мен ынтымақтастық мәселелері талқыланды.



РФ делегациясын бастап келген «Россельхозцентр» ФМБМ директоры Александра Малько, 2019 жылы шегіртке тектес зиянкестерге қарсы екі елдің жүргізген бірлескен іс-шаралардың арқасында шекаралас аудандарда ауыл шаруашылығы дақылдары егістіктерінің зақымдануы, сондай-ақ, шегірткелердің көршілес елдердің шекара аумағына көшіп-қонуы болмағандығын атап өтті.
 
Өз кезегінде Ауыл шаруашылығы министрлігі Агроөнеркәсіптік кешендегі мемлекеттік инспекция комиетінің төрағасы Алмабек Марс 2020 жылы жоспарланған іс-шаралар туралы кеңінен айтып берді.



Оның айтуынша, 2020 жылы шегіртке тектес зиянкестер 554 мың гектар алқапта таралуы мүмкін деп күтілуде. Шегірткеге қарсы күрес үшін республикалық бюджеттен 1 млрд теңге бөлінген. Аталған қаражат барлық болжамдалған алқапқа пестицидтерді және химиялық өңдеуді сатып алуға мүмкіндік береді.

«Орталық қоймада жалпы 47,5 мың литр пестицид қоры бар. 2020 жылы шегіртке тектес зиянкестердің үйірлі түрлеріне қарсы қорғаныс іс-шараларын жүргізу үшін 148 бірлік арнайы техника: оның ішінде 119 бірлік жерүсті бүріккіштері, 10 ұшақ, 10 бірлік аса жеңіл әуе кемесі (АЖӘК) және 9 бірлік аэрозольді генераторлар (ГАРД) жұмылдырылатын болады. Бүгінгі күні шегіртке тектес зиянкестерге қарсы қорғаныс іс-шараларын уақытылы ұйымдастыру үшін дайындық шаралары аяқталуға жақын», - деді А.Марс.

Кеңес қорытындысы бойынша Қазақстан Республикасының және РФ Ауыл шаруашылығы министрлігі арасында 2020 жылы екі елдің шекаралас аумақтарында шегіртке тектес зиянкестердің таралуына жол бермеу жөніндегі бірлескен іс-шаралар жоспарына қол қойылды.     
Соңғы жаңалықтар

iPhone 12 Pro рендері шықты

Технология • Кеше

Ұқсас жаңалықтар