Аймақтар • 02 Наурыз, 2020

Жетісу еріктілерінің фронт-кеңсесі ашылды

36 реткөрсетілді

Жақында Нұр-Сұлтан қаласында өткен Еріктілер жылының ашылу салтанатында Мемлекет Басшысы Қасым-Жомарт Тоқаев республикалық волонтерлер штабының ашылғандығын ресми түрде  жария еткен еді. Осы жиында Президент Тоқаев Алматы облысының жастарына «Таза әлем» және «Білім» бағыттары бойынша белсенді жұмыс істеуді тапсырған болатын.

Бұл міндетті үлкен жауапкершілікпен мойындарына алған жетісулық жастар еріктілер қозғалысына жан бітірді. Міне, Алматы облысы жастар саясаты басқармасы жанынан аймақ волонтерларының жұмысын жүйелейтін «Birgemiz Jetisy» атты фронт-кеңсе ашылды. Кеңсенің ресми ашылу рәсіміне «Қазақстанның 100 жаңа есімі» жобасының жеңімпазы, волейболдан Қазақстан жастар құрамасының капитаны, жас волонтер Серік Есматов, облыстың волонтер-демеушілері, сондай-ақ аймақтың еңбек ардагерлері мен құрметті азаматтары қатысты. Шара аясында өңірде еріктілердің жұмысын дамытуға бағытталған ұсыныс-пікірлерді жинақтау, ортаға салу мақсатында басқосу өтті.

- Бұл фронт-кеңсе облыс волонтерларының бас қосатын орыны ғана емес, еріктілер жүзеге асыратын ізгі істер бастау алатын орталыққа айналмақ. Жастардың басты мақсаты – қоғамдағы көмекке мұқтаж адамдарға көмектесу. Біз өткенде Нұр – Сұлтан қаласында өткен еріктілер жиынына қатыстық. Республикалық штабтың жұмысымен таныстық. Алматы облысында ашылған фронт-офистің қызметі Мемлекет Басшысы жүктеген міндеттерді мүлтіксіз жүзеге асыруға бағыт беретін «ми орталығы» сияқты болса екен дейміз, - дейді Алматы облысы жастар саясаты басқармасының басшысы Жомарт Қаратас.

Айтпақшы, биылдан бастап Мемлекет Басшысы Қасым-Жомарт Тоқаев еріктілердің атқарған жұмысының заңды негізі жасалатынын айтты. Бұл еліміздің барлық еріктілері сияқты жетісулық жастарды шабыттандырды. Және жастардың волентерлікке арнаған жылдары еңбек өтілі ретінде есепке алынуы да еріктелердің көптен күткен жағымды жаңалығы еді. Сондай-ақ, еріктілердің еңбегіне қарай көтермелеу ақысымен, стипендиямен ынталандыру жайы да шешілмекші. Бұл да волентерліктің беделін көтеріп, еріктілердің қызметіне деген құрметті арттырмақ. Қазірдің өзінде Алматы облысынынң студент жастары арасында еріктілердің қатарына сұранушылардың легі көбейіп келеді екен. 

Облыс еріктілері «Birgemiz Jetisy» атты фронт-кеңсе ашылуына орай қайырымдылық акциясын ұйымдастырды. Олар Талдықорған қаласындағы көпбалалы және аз қамтылған 20 отбасыға көмек көрсеттті. Еріктілер есігін қақан үйлерде он төрт жалғызбасты ана мен көп балалы және аз қамтылған отбасылар бар. Енді бұл игі іс барлық ауданда жалғасып, «Birgemiz» маршруты бойынша демеушілер мен еріктілер дайындаған сыйлықтар, азық-түлік, киім-кешек пен қажет қаражат та мұқтаж отбасыларға жеткізілмекші.

Жетісулық еріктілер үшін жастарға жүктелеген міндеттер қалыпты шаруа десем қателеспеспін, өңір жастары білек сыбанып жұмыс істеуді дәстүрге айналдырған. Біз табиғатты аялауға, ардагерлер мен қарттарға көмек көрсетуде үнемі бастамашы болып жүрміз, тәртіп сақшыларына көмекші болып, қоғамдық бақылауға да үлес қосып отырмыз. Биыл ауыл жастарының білімін арттыруға, оның ішінде ағылшын тілін оқытуға өз күшімізді жұмсауға кірісеміз. Бұған облыстағы 17 аудан мен 3 қалада барлық жағдай жасалып отыр, - дейді жетісулық волонтерлардың жетекшісі Ержан Дәулетбаев.

 

Алматы облысы

Соңғы жаңалықтар

Алматыда тағы 37 адам Covid-199 жұқтырған

Коронавирус • Бүгін, 10:20

Алаштың ардақтысы ұлықталды

Руханият • Бүгін, 10:02

Тапа-талтүстегі төтенше жағдай

Аймақтар • Бүгін, 08:55

Ертістің суы егістікке пайдалы

Аймақтар • Бүгін, 08:40

Ұқсас жаңалықтар