Сырласу кешінде ақын Қайырбек Асанов поэзия әлеміндегі орны, өмірлік жолы, бір шаңырақ астында ғұмыр кешіп келе жатқан асыл жары Күләш Ахметовамен алғаш қалай танысқандығы, қос ақынның арасындағы кіршіксіз махаббаты туралы оқырмандарға әңгімелеп берді.
Іс-шараға жазушы, драматург, публицист Елен Әлімжан, филология ғылымдарының докторы, профессор Сәмен Құлбарақ, Мойынқұм ауданының құрметті азаматы, құсбегі Жапар Сатылғанов, сондай-ақ ақын ізбасарларының бірі – айтыскер ақын, журналист Есет Досалы қатысып, қаламгердің шығармашылығы, азаматтық қасиеттері жайында кеңінен сыр шертіп, ақын өлеңдерін оқып, талдау жасап, қызықты естеліктерімен бөлісті
Кітапхана жанынан құрылған «Қаламгер» клубының мүшелері Абай атындағы Жамбыл гуманитарлық колледжінің студенттері Ерасыл Әуезбай, Құралай Жақан ақынның және жары Күләш апамыздың өлеңдерін мәнерлеп оқып, әдеби композиция құрды. Оқырмандар ақыннан қонақ кәде сұрап, жаңа өлеңдерін шабыттана оқыды. Сырласу кеші сырлы әуенмен әрленді.
Кеш соңында кітапхана директоры Эльмира Абдинова оқырмандарға үлкен әсер сыйлаған ақын шығармашылығына толағай табыстар тілеп, кеш қонағына сый-құрмет көрсетті.
