Мегаполис құтқарушылары азаматтық қорғаныс күні аясында тұрғындарға авариялық-құтқару техникалары, өрт-техникалық құрылғылары мен өрт сөндіру жабдықтарын көрсетті. Еріктілер тобы алғашқы медициналық көмек көрсету бойынша шеберлік сағатын өткізді. Оқушылар арнайы тренажер-симулятордағы жер сілкінісі кезінде нақты итермелеуді сезініп, құтқарушылардың ең жоғары өрт көтергішімен 90 метрге дейін биіктікке көтерілді.
«Бұл іс-шараны біз жыл сайын үзбей өткізіп келеміз. Соның ішінде оқушылар, Алматының тұрғындары да осы жерге келіп, бәрін өз көздерімен көріп, төтенше жағдай болған кезде не істеу керектігін үйренеді», – дейді қалалық Төтенше жағдайлар департаменті құтқару қызметі директорының орынбасары Ержан Қаңлыбаев.
