Спикерлер: Людмила Бюрабекова – Денсаулық сақтау министрлігі тауарлар мен қызметтердің қауіпсіздігін бақылау комитетінің төрағасы; Арнұр Нұртаев – дәрілік заттар мен медициналық бұйымдарды сараптау Ұлттық орталығының бас директоры; Динагүл Баешева – жетекші инфекционисті; Марина Дурманова – Фармацевтикалық қызметті қолдау және дамыту қауымдастығының президенті; Гүлмира Мұхамеджанова – Медициналық бұйымдарды өндірушілер қауымдастығының төрағасы.
Спикерлердің ақпараты бойынша, ақпан айының басында дәріханалардың бөлшек желілеріндегі медициналық маскалардың қалдығы 9 миллионнан астам бірлікті құрады, бұл респираторлық ауруларды қорғау және алдын алу құралдарына халықтың қажеттілігін қамтамасыз етті. Алайда, дәріханалардың бөлшек желілеріндегі коронавирустық инфекция төңірегіндегі дүрлігуге байланысты қалдық 1 миллионға жуық бірлікті құрайды және оларға қажеттілік 30 миллионға дейін ұлғайды.
Бүгінгі күні отандық өндірушілердің медициналық маскалар өндірісінің айлық көлемі 6 млн-нан астам бірлікті құрайды. Мемлекеттік медициналық мекемелер бірінші кезекте алушылар болып табылады. Маскаларды жаппай сатып алуға байланысты ведомствоаралық комиссия елден олардың экспортына тыйым салды. Бүгінгі күні тыйым салынған.
Спикерлер медициналық маскалар ауру жұқтырғаннан аурудың таралуын болдырмау үшін арналғанын атап өтті. Дені сау адамдарға медициналық маска кию қажет емес.
«Біріншіден, маскалар әрдайым дұрыс киілмейді. Екіншіден, масканы адамдар үнемі қолдарымен түзетеді,олар бұған дейін ортақ пайдалану заттарына тиген. Осылайша олар ауру қаупін арттырады», - деді А. Нұртаев.
Қазақстанның жетекші инфекционисті Динагуль Баешева басты алдын алу құралы жеке гигиена ережелерін сақтау, коронавирустық инфекция ауруы бар адамдар мен елдердің жаппай жиналатын орындарына баруды шектеу болып табылатынын атап өтті.
