Қоғам • 18 Наурыз, 2020

Карантин: Іс-сапарда жүргендер өз үйлеріне қайта алады

193 рет
көрсетілді
1 мин
оқу үшін

Карантинге байланысты іс-сапармен өзге өңірлерде жүрген азаматтар үшін қандай шаралар қолданылатынын Еңбек және әлеуметтік қорғау министрі Біржан Нұрымбетов айтып берді.

Карантин: Іс-сапарда жүргендер өз үйлеріне қайта алады

• Нұр-Сұлтан, Алматы қалаларында жұмыс істейтін азаматтар сыртта қалып қалған болса, оның ішінде жұмыс іс-сапарымен жүргендер өзінің тұрғылықты мекен-жайына, жұмысына қайтуға мүмкіндігі бар.

• Нұр-Сұлтан, Алматы қалаларына өзге өңірлерден жұмыс сапарымен келген адамдар да  өз үйлеріне, жұмыс орындарына қайта алады.

• Нұр-Сұлтан, Алматы қалаларында жұмыс істеп, қала сыртында тұратын азаматтар үйден жұмыс істей алмайтын жағдайда жұмыс орындарына кіруге мүмкіндік алады. Жұмыс берушілердің тапсырысы бойынша әкімдіктер рұқсат береді.

Министр, жұмыс берушілерді қызметкерлер алдында әлеуметтік жауапкершілікке шақырды.

Олардың сондай-ақ жұмысшылардың құқықтарын орындауға, жұмысын, табысын сақтау мақсатында қысқартуға бармай, Еңбек кодексінде қарастырылған шараларды толығымен орындауы сұралды.