Елорда • 19 Наурыз, 2020

Бақтияр Мәкен: Қала шеңберінде тиісті 6 блок бекеті орнатылды

14 реткөрсетілді

Бұл туралы елорда әкімінің орынбасары Бақтияр Мәкен айтты.

«Елімізде төтенше жағдайдың енгізілуіне байланысты Мемлекет басшысының тапсырмасына сәйкес және қалыптасқан күрделі ақауларға байланысты, сондай-ақ, халықты барынша хабардар ету мақсатында қосымша шектеулермен профилактикалық және анти-эпидемиялық шаралар қабылдануда. Президент жанындағы Төтенше жағдай режимін қамтамасыз ету жөніндегі мемлекеттік комиссия қазіргі таңда Үкімет тарапынан осы жұмыстарды атқарып жатыр. 19 наурыз сағат 00:00-ден бастап Нұр-Сұлтан қаласында коронавирустың таралуына байланысты карантин режимі енгізілді. Қала периметрі бойынша тұрғындардың қозғалысы мен көліктердің кіруін және шығуын қадағалауға қала шеңберінде тиісті 6 блок бекеті орнатылды. Қосымша тағы да бір бекет орнатылуда. Қорғаныс министрлігінің тиісті мамандары, санитарлық-эпидемиологиялық қызметі өкілдері және ішкі істер мамандары сол блок бекеттерде тиісті жұмыстарын атқарып жатыр. Қала басшылығы Талапкер, Қараөткел, Қоянды, Қосшы, Жібек жолы, ауыл тұрғындарының қозғалыс мәселесін реттейді. Карантин аумағы елді мекендердің аймағына дейін кеңейтілді. Блок бекеттер осы ауылдардың сыртына орналастырылды» деді Бақтияр Мәкен.

 

 

Соңғы жаңалықтар

Ауылдағы жұрт әлі сенбейді

Қоғам • Бүгін, 13:23

Ұқсас жаңалықтар