Бас қаланың тіршілігі қалай болмақ?

Әкім орынбасарының айтуын­ша, қала периметрі бойынша тұр­­ғындардың қозғалысы мен кө­лік­­тер­дің кіріп-шығуын рет­теу үшін қала шеңберінде 7 блок-бе­кет орнатылған. Қор­ғаныс ми­нистр­лігінің тиісті қыз­мет­кер­лері және санитарлық-эпи­де­миялық қыз­меттің өкілдері, сондай-ақ ішкі әскер қызметкерлері блок-бе­кет­терде қызмет атқарады. «Қала басшылығы Талапкер, Қара­өткел (Ильинка), Қоянды, Қос­шы, Жібек жолы, Шұбар ауыл­да­ры тұрғындарының қоз­ға­лыс мә­се­лесін реттеді. Бұл елді ­ме­кен тұр­ғындарының қала шең­берін­дегі қозғалыс ережелері, қала тұр­ғын­дарымен теңбе-тең. Сани­тар­лық-эпидемиялық талап­тарға сай, карантин аумағы қала сыр­тындағы елді мекендердің ше­карасына дейін барынша кеңей­тілді. Яғни, блок-бекеттер бұл ауыл­дардың сыртында орналастырылды», деді Б.Мәкен.

22 наурызға дейін мүмкіндік берілді

Қалаға кіріп-шығуға уақытша мүмкіндік беріліп отыр. Яғни 22 нау­рыздан бастап барлық санаттағы адам­дардың кіріп-шығуына тос­қауыл қойылады. «Тұрғындар үшін маңызды ақ­парат, елорда­ға кіру­ге және қала­дан шығуға әзірше уақыт­тары бар. Алдағы 72 сағат әуе және темір жол қатынастары ар­қы­лы қаладан кету немесе келу үшін мүм­кіндік беріліп отыр. 22 наурыз­дан бастап барлық санаттағы тұрғын­дарға қала аумағына кіру­ге және шығуға толық шектеу қо­йы­лады. Кез келген қатынастардың тран­­­зит­тік тасымалдаулары, Нұр-Сұл­­­тан қала­­сын­ың аумағында тоқта­тыл­­­­май жүр­­гізіледі. Яғни, жолаушы пойыз­дары қала арқылы өтеді, бі­рақ тоқ­та­майды. Ал 22 наурыздан бастап Нұр-Сұлтан қаласынан еш­қандай «жо­лаушы пойызы» жолға шық­пай­ды. Қала аумағын басып өте­тін не бол­маса азық-түлік тасымал­дай­тын кө­ліктер арнайы жасыл дәліз­бен ғана қатынасады. Бұл қалаға керек­­ті тауарларға байланысты», деді Б.Мәкен.

Бас қалада қандай талаптар күшейтілді?

Қала басшысының орынбасары індетті ескерту және алдын алу бойынша бірқатар талаптар күшейтілгенін жеткізді.

Атап айтқанда, бірінші, инфек­цияның таралуына жол бермеу үшін арнайы Өңірлік жедел штаб құрылып, тәулік бойы қыз­мет етеді. Екінші, халық пен шаруа­шылық субъек­ті­лері­нің қызметін реттеу үшін қала­лық штабтың арнайы ше­шімі қабылданды. Үшінші, қала­ның азық-түлік қауіпсіздігін қам­тамасыз ету үшін арнайы іс-шаралар жоспары іске асуда. Қосымша азық-түлік тауарларын жеткізу мәселесі, өңірлермен бір­лесе отырып шешілді. Қазір ха­лық­қа ең бірінші қажетті әлеу­меттік және тұтынушылық тауарлар қоры жеткілікті. Сауда үйлері мен қоймаларда артық көлемде қор жинақталған. Төртінші, Ден­саулық сақтау министрлігінің «А» және «В» жоспарындағы іс-қимыл алгоритміне сәйкес, коронавирус инфекциясын жұқтырған адамдармен байланысы болған тұлғаларға арналған алдын алу жатын орындары мен карантин стационарлары кеңейтілді. «С» жоспарына сәйкес қосымша жатын орындар жасақталды. Бесінші, Фармацевтика қауымдастығы мен Тауарлардың қауіпсіздігін, сапасын және қызметін бақылау департаменті арасында бағаны реттеу, сондай-ақ дәрілік және ме­ди­циналық тауарларды жеткізу бо­йынша өзара ынтымақтастық меморандумына қол қойылды.

Іс-шаралар кешені іске асуда

Б.Мәкен елордада санитарлық-эпидемияға қарсы кеңейтілген іс-шаралар кешені іске асырылып жатқанын да баяндады. Яғни аялдамаларды, қоғамдық көліктерді, көше бойларын және өзге де әлеуметтік маңызды нысандарды санитарлық реттеу және дезинфекциялау жұмыстары ұйымдастырылуда. Азық-түлік өнімдерін сататын сауда үйлері мен дүкендердің үзіліссіз қызмет ету мүмкіндігі қамтамасыз етілуде. Қоғамдық тамақтану орындарында онлайн тапсырыс беру және тамақты үйге жеткізу форматы жүйесі ұйымдастырылды. Бизнес орталықтар, стоматология, шаштараз және тағы басқа халыққа жеке­лей қызмет көрсету орындары сағат 10.00-ден 17.00-ге де­йін қыз­мет етеді. Ал құрылыс және олар­дың мердігер компания­лары сани­тарлық нормаларды күшей­те отырып, штаттық режімде жұмыс­тарын жалғастырады. «Тұр­ғындар және заңды тұлғалар, меншік нысанына қарамастан, шектеу шараларын, соның ішінде карантиндік режімді орындауға міндетті», деді қала басшысының орынбасары.

Сондай-ақ ол азаматтарға мем­лекеттік ресми дереккөздерде жа­рия­­ланған ақпараттарға ғана сүйе­ніп, жанаспайтын мәлі­мет­терге сенбеуді және арандату­шы­­лыққа бармауды ескертті. Бар­­ша елордалықтарды сабырға шақыр­ған әкімнің орынбасары ат­қа­рылып жатқан шараларға түсі­ністікпен қарап, карантин талаптарын толық сақтауды өтінді.