Орал қаласында анасын тірідей өртеген қаныпезерге сот үкімі шықты. Жантүршігерлік оқиға осы жылы орын алған. Бұл туралы «31» телеарна хабарлады.
Еш жерде жұмыс істемейтін Руслан Магомедов үйіне мас болып келіп, анасынан араққа ақша сұрайды. Алайда, зейнеткер баласына ақша жоқ екенін айтады. Ашуға булыққан ол анасының үстіне бензин құяды да, от қояды және көмек сұраған жан даусына қарамастан үйден шығып кеткен. Ал денесін күйік шалған кейуана аурухана төсегінде есін жиған кезде, болған жайды құқық қорғау қызметкерлеріне айтып береді. Арада бірнеше күн өткенде жазықсыз жапа шеккен зейнеткер қайтыс болды. Осы оқиғаға байланысты қылмыстық істі қараған судья Р.Магомедовті 17 жылға бас бостандығынан айыруға үкім шығарды.
Бақытбек КЕНЕШҰЛЫ.