24 Тамыз, 2013

Қазақстан Республикасы Үкіметінің қаулысы № 822

308 рет
көрсетілді
4 мин
оқу үшін

2013 жылғы 21 тамыз,    Астана, Үкімет Үйі

«ҚазАвтоЖол» акционерлік қоғамын қайта атау туралы

«Мемлекеттік мүлік туралы» 2011 жылғы 1 наурыздағы Қазақстан Республикасының Заңы 11-бабының 4) тармақшасына сәйкес Қазақстан Республикасының Үкіметі қаулы етеді:
1. «ҚазАвтоЖол» акционерлік қоғамы «ҚазАвтоЖол» ұлттық компаниясы» акционерлік қоғамы болып қайта аталсын.
2. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтыру бекітілсін.
3. Қазақстан Республикасы Көлік және коммуникация министрлігі Қазақстан Республикасы Қаржы министрлігімен бірлесіп, Қазақстан Республикасының заңнамасында белгіленген тәртіппен осы қаулыдан туындайтын шараларды қабылдасын.
4. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасының Премьер-Министрі        С.АХМЕТОВ.

Қазақстан Республикасы  Үкіметінің  2013 жылғы 21 тамыздағы  №822 қаулысымен  бекітілген

Қазақстан Республикасы Үкіметінің кейбір шешімдеріне енгізілетін өзгерістер мен толықтыру

1. «Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы» Қазақстан Республикасы Үкіметінің 1999 жылғы 12 сәуірдегі №405 қаулысында (Қазақстан Республикасының ПҮАЖ-ы, 1999 ж., №13, 124-құжат):
көрсетілген қаулымен бекітілген акцияларының мемлекеттік пакеттері мен үлестері республика­лық меншікке жатқызылған акционерлік қоғамдар мен шаруашылық серіктестіктердің тізбесінде:
«Астана қаласы» деген бөлімдегі реттік нөмірі 21-156-жол мынадай редакцияда жазылсын:
«21-156. «ҚазАвтоЖол» ұлттық компаниясы» АҚ».
2. «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Үкіметінің 1999 жылғы 27 мамырдағы №659 қаулысында:
көрсетілген қаулымен бекітілген иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:
«Қазақстан Республикасы Көлік және коммуникация министрлігіне» деген бөлімдегі реттік нөмірі 160-27-жол мынадай редакцияда жазылсын:
«160-27. «ҚазАвтоЖол» ұлттық компаниясы» АҚ».
3. «Қазақстан Республикасы Көлік және коммуникация министрлігінің мәселелері» туралы Қазақстан Республикасы Үкіметінің 2004 жылғы 24 қарашадағы №1232 қаулысында (Қазақстан Республикасының ПҮАЖ-ы, 2004 ж., №46, 582-құжат):
көрсетілген қаулымен бекітілген Қазақстан Республикасы Көлік және коммуникация министрлігі туралы ережеде:
«Қазақстан Республикасы Көлік және коммуникация министрлігінің және оның ведомстволарының қарамағындағы ұйымдардың тізбесі» деген бөлімде:
«Акционерлік қоғамдар» деген бөлімнің 8-тармағы мынадай редакцияда жазылсын:
«8. «ҚазАвтоЖол» ұлттық компаниясы» АҚ.».
4. «Республикалық мемлекеттік меншіктің кейбір мәселелері турал» Қазақстан Республикасы Үкіметінің 2007 жылғы 11 маусымдағы №483 қаулысында (Қазақстан Республикасының ПҮАЖ-ы, 2007 ж., №19, 214-құжат):
көрсетілген қаулымен бекітілген жалпымемлекеттік міндеттерді орындау үшін қажетті мемлекет қатысатын акционерлік қоғамдардың (жауапкершілігі шектеулі серіктестіктердің) тізбесінде:
«Қазақстан Республикасы Көлік және коммуникация министрлігі» деген бөлімдегі реттік нөмірі 47-3-жол мынадай редакцияда жазылсын:
«47-3. «ҚазАвтоЖол» ұлттық компаниясы» акционерлік қоғамы 100%».
5. «Ұлттық басқарушы холдингтердің, ұлттық холдингтердің, ұлттық компаниялардың тізбесін бекіту туралы» Қазақстан Республикасы Үкіметінің 2011 жылғы 6 сәуірдегі №376 қаулысында:
көрсетілген қаулымен бекітілген ұлттық басқарушы холдингтердің, ұлттық холдингтердің, ұлттық компаниялардың тізбесінде:
«Ұлттық компаниялар» деген бөлім мынадай мазмұндағы реттік нөмірі 41-жолмен толықтырылсын:
«41. «ҚазАвтоЖол» ұлттық компаниясы» акционерлік қоғамы».