Қара ормандай халқым менің –
Қазағым!
Наурыз тойын тойлай алмай,
Тарттың талай озбырлықтың азабын.
Енді, міне, егеменді ел болып,
Жеттің күткен арманыңа,
Дүркіретіп той жасап,
Бар дүние жаңарды.
Наурыз айы келгенде
Көз жіберіп қарашы жан-жағыңа,
Тату-тәтті ел болып,
Бақытты өмір сүрейік.
Жақсылығымен жайнатып,
Құдайым бізді қолдасын!
Ұл-қыздарым дана боп,
Болашағымыз солмасын!
Көңілде көтеріңкі шаттық болсын,
Сүттен ақ, судан таза ақтық болсын.
Қасқайған қазағымның маңдайына,
Кетпестей Алатаудай бақыт қонсын!
Әумин!
Сәбит ОРАЗБАЕВ,
Қазақстанның халық әртісі