«Біз Халықаралық Олимпиада комитетіне, «Токио-2020» ұйымдастыру комитеті мен Жапония үкіметіне Олимпиада ойындарына деген дайындығы мен дер кезінде маңызды шешім қабылдағаны үшін орасан зор алғыс білдіреміз.
Айта кетелік, қазіргі таңда отандық спортшылардың барлығы үйінде үкімет ұсынған алдын алу шараларын сақтап отыр. Қазақстан ҰОК жақын арада ұлттық федерациялармен Олимпиада ойындарының кейінге шегерілуіне байланысты олимпиадалық спорт түрінен ұлттық командалардың 2020 жылғы күнтізбесін талқылаған болатын.
Еске сала кетейік, Халықаралық Олимпиада комитеті мен Жапония Үкіметі 24 наурызда біріккен мәлімдеме жасады. Жапония Премьер-Министрі Синдзо Абэ мен ХОК президенті Томас Бах Олимпиада ойындарына қатысты бір шешімге келді. Дүниежүзілік денсаулық сақтау ұйымы берген ақпаратқа сәйкес, бүгінгі жағдайды ескере отырып, ХОК президенті мен Жапония Премьер-Министрі спортшылар мен Олимпиадаға қатысушылардың, халықаралық ұйымдардың қауіпсіздігін ойлап, Токиодағы Олимпиада ойындарын 2021 жылдың жазына өткізу туралы шешім қабылдады.