![Алматы облысы: азық-түлік қоры жеткілікті болғанымен бағаның өсуі байқалды](/media/2020/03/25/crop-174_4_789x1052_007-1.jpg)
Бұл туралы облысы әкімі Амандық Баталовтың төрағалығымен өткен селекторлық отырыста айтылды. Аймақтағы ахуал жайында есеп берген облыс әкімінің орынбасары Серікжан Бескемпіров әлеуметтік маңызы бар азық-түлік өнімдеріне мониторинг жүргізу және бағаны ұстап тұру бойынша жұмыстар жүргізіліп жатқанын айтты. Бұл мақсатта облыста қажетті резерв бар, қажетті азық-түлікпен қамту үшін ауылшаруашылығы жәрмеңкелері өткіп жатыр. Сауда орындарында да тұрғындар сатып алатын қажетті заттар қоры жеткілікті. Осыған қарамастан бірқатар аудандарда көкөніс пен жеміс-жидек түрлеріне және ұн, жарма өнімдерінің бағасына зерделеу жұмысы жасалмаған. Нәтижесінде, алып-сатарлар арасында бағаны заңсыз көтеру фактілері орын алған екен.
Селекторлық жиында облыс әкімі Амандық Баталов барлық аудан бойынша азық-түлік бағасына бақылауды күшейтуді тапсырып, шағын және орта бизнеске қолдау көрсету жолдарын нақтылады. Қазір аймақта Мемлекет Басшысы Қасым-Жомарт Тоқаевтың тапсырмасына сәйкес, эпидемиологиялық жағдайға байланысты уақытша пайдаланылмайтын алаңның жалдау ақысын кейінге қалдыру немесе толықтай алып тастау үшін келіссөздер жүргізу басталды.
Алматы облысы