Аймақтар • 25 Наурыз, 2020

Жамбыл облысы: соңғы аптада қырыққабат, картоп және қант бағасы көтерілген

147 рет
көрсетілді
1 мин
оқу үшін

Жамбыл облыстық ауыл шаруашылығы басқармасының мәліметінше, бүгінгі таңда күніне екі рет өңірдегі 12 ірі супермаркет пен 4 базардағы негізгі азық-түлік бағалары мен қамтылу жағдайына мониторинг жүргізілуде.

Жамбыл облысы: соңғы аптада қырыққабат, картоп және қант бағасы көтерілген

Аталған басқарма басшысы Берік Нығмашев соңғы аптада қырыққабат және картоп бағалары 3 пайызға, қант бағасының 2 пайызға көтерілгенін мәлімдеді.

«Көкөніс бағалары маусымдық сипаттағы сақтау шығындарына сәйкес жылдағы өсу динамикасына сәйкес көтерілуде. Қант бағасына Ресейдегі импорттық өнімнің үлесі мен бағасының қымбаттауы әсер етуде. Бағаларды тежеу үшін тұрақтандыру қорынан қаланың негізгі ірі супермаркеттері мен әлеуметтік дүңгіршектері арқылы тауарлар нарық бағасынан 14-45 пайызға төмен өткерілуде. Бүгінгі күнге қанттың үш айға жеткілікті 2,5 мың тонна қоры бар. Үш ай ішінде Тараз қаласындағы қант зауыты іске қосылады, Бразилиядан оған қажетті қант құрағын жеткізу жұмыстары жүргізілуде» дейді Берік Нығмашев.

  

Жамбыл облысы