Ресей президенті Владимир Путин пайыздар мен дивидендтер түрінде Ресейден тыс елдерге оффшорлық юрисдикцияларға кететін барлық төлемдерге тиісті мөлшерде салық салынуы керек деп мәлімдеді. Қазіргі кезде жеке тұлғалардың бұл схема бойынша салығы бар-жоғы 2 пайызды құрайды.
Ал табысы аз азаматтар тапқан табысынан 13 пайыз салық төлеп отыр. Осы орайда әділетсіздік орнықпау үшін салық мөлшерлемесін 15 пайызға көтеру қажеттігін айтқан В.Путин бұл өз кезегінде кейбір мемлекеттермен қосарланған салық туралы келесімдерге түзету енгізуді қажет етеді деді. Бұл бағыттағы жұмыстарды ел үкіметіне тапсырған Ресей басшысы егер шетелдік серіктестер ұсынысты қабылдамаған жағдайда біржақты тәртіппен бұл келісімдерден шығамыз деп атап өтті.
