Ал Кентау қаласында 20 мыңға жуық бетперде тегін таратылды. Игі іске қаладағы еріктілер ұйымы ұйытқы болып отыр. Әрбір көшені аралап тұрғындарға бетперде мен арнайы қорғаныш қолғаптарын тарту еткен жастар, коронавирустан қорғану жолдарын түсіндірді. Көшеге көп шықпау керектігін және адамдар көп жиналатын жерлерге бармау қажеттігін ескертті. Сондай-ақ, еріктілер қалаға кіреберіс қақпада орналасқан блок-посттағы келушілерге де бетперделер берді. «Енді, әлеуметтік жағдайы төмен отбасыларға, ардагерлерге және мүмкіндігі шектеулі азаматтардың үйлеріне апарып береміз. Бұл игі істі алдағы уақытта да жалғастыратын боламыз», дейді қалалық Жастар ресурстық орталығының басшысы Қанат Бекметов.
Түркістан облысы