Мектепке балаларын дайындап, керек-жарағын түгендеу осы аптадағы қарбалас шақтың маңыздысы десе болады. Әр отбасы мектепке баратын балаларының киім-кешегін, оқу-құралдарын қаражаттарына қарай таңдап алары сөзсіз.
Мектепке балаларын дайындап, керек-жарағын түгендеу осы аптадағы қарбалас шақтың маңыздысы десе болады. Әр отбасы мектепке баратын балаларының киім-кешегін, оқу-құралдарын қаражаттарына қарай таңдап алары сөзсіз.
Ал мұндай маңызды шараға белді ұйымдар мен ұжымдар да атсалыса бастады. Мәселен, Астанадағы «Нұр Отан» ХДП Алматы аудандық филиалының ұйымдастыруымен елордадағы «Астана-тазалық», «Цесна-астық» концерн, «Кредит банк орталығы», «Астана су арнасы», «№1 автобус паркі», «Қазақстан халық банкі» мен «Жаңа құрылыс» жауапкершілігі шектеулі серіктестері мен акционерлік қоғамдары бар, барлығы 15-тей кәсіпорын бірігіп, жағдайы төмен көпбалалы отбасыларына өз көмектерін көрсетті.
Іс-шара барысында Парламент Мәжілісінің депутаты Майра Айсина, «Нұр Отан» ХДП Алматы аудандық филиалының төрағасы, Астанадағы «Ұлттық ғылыми медициналық орталықтың» бас директоры Абай Байгенжин мен бірқатар кәсіпорын басшылары сөз сөйлеп, қаладағы 1-4 сынып аралығындағы 250-ден аса оқушыға мектепке қажет құрал-жабдықтарды табыстады.
Берік САДЫР,
«Егемен Қазақстан».
