Университеттің Баспасөз қызметінің мәліметі бойынша, олар науқастардың дене қызуын өлшейді, көмекке зәру адамдар тұратын үйлерге - бірінші кезекте көп балалы отбасылар, мүгедектер мен зейнеткерлерге азық-түлік жеткізіп береді. Ақ халатты еріктілер карантин аймақтарының жұмысына белсенді қатысуда әрі халықаралық рейстермен келетіндердің тізімін жасап, өткізу пункттерінде жұмыс істеуде.
ҚазҰМУ ректоры Талғат Нұрғожиннің айтуынша, бұл - ақ халатты еріктілердің өз бастамасы. Олардың бұл игі шарасы болашақ білікті мамандар үшін құптарлық іс.
Болашақ дәрігерлер тек карантиндік аймақтар мен еріктілер орталықтарында ғана емес, қаладағы ауруханаларда да адам жанының арашасы болып жүр.
АЛМАТЫ
