Әлем • 31 Наурыз, 2020

Нидерланд елі Қытайдан алған маскаларды қайтарды

24630 рет
көрсетілді
1 мин
оқу үшін

Жақында Нидерланд елі Қытайдан импорт арқылы 600 мың маска сатып алған еді.  Осы маскаларды жаман қыздай келген «төркініне» түбегейлі қайтарып жатыр.

Нидерланд елі Қытайдан алған маскаларды қайтарды

Елдің Денсаулық министрлігі: - Маскалардың сапа деңгейі халықаралық стандартқа сай емес, - деген пәтуа шығарса, дәрігер-мамандар, аталмыш құрал тіпті қандай бір қарапайым вирусты сүзіп алатындай қауқары жоқ дегенді айтады.

Қазіргі таңда Нидерланд елінде 9 762 адам дерт жұқтырса, осының 639-ы бақиға аттанған. Қазір ел көлемінде карантин тоқтатылып, жүріс-тұрыс тиылған. Барлық қызмет көрсету орындары, мектептер жабық.

Өткен аптада Испания елінде де осындай шу шықты. Яғни, вирус анықтау мақсатында Қытайдан сатып алған сынама-құралдың  бар болғаны 30 пайызы ғана дұрыс істеген. Сол сияқты Чехия да Аспанасты елінен сатып алған 200 мың сынаманың 80 пайызы қателік жібергенін айтып дабыл қағуда.

Біздің айтпағымыз: еліміз коронавирус анықтайтын сынама құралдарын көршімізден алған болса, жағыдай мәз емес деген сөз.