Кинопоисктің хабарлауынша, Disney-дің бұрынғы басшысы, қазір Директорлар кеңесінің төрағасы қызметін атқаратын Боб Айгер еңбекақысынан толықтай бас тартты. Ал қазіргі бас директор Баб Чапек 50 пайыз аз алуға келісті.
Боб Чапек жағдайға байланысты қарамағындағы қызметкерлеріне жазған хатында:
– Бәріміз бір кемедеміз, бұрын көрмеген жерлермен жүзіп келеміз. Осындай күрделі уақытта көрсеткен қолдауларыңызды жоғары бағалаймыз. Сіздердің сенімдеріңіз бізді қанаттандырады. Дағдарысты жеңіп, болашақта бұрынғыдан да мықты болатынымызға сенемін! – делінген.
Боб Чапектің базалық еңбекақысы 2,5 млн доллар екенін айта кетейік.
