Облыс орталығында еліміздің Конституциялы күні және басталайын деп тұрған жаңа оқу жылы қарсаңында химия-биологиялық бағытта тереңдетіп оқытатын «Назарбаев зияткерлік мектебі» ашылды. Бұл еліміздегі 13-ші «Назарбаев зияткерлік мектебі». Енді бірінші қыркүйектен бастап облыс орталығында ашылған бұл мектепте 720 оқушы білім алады. Сондай-ақ, мектеп жанындағы 120 орындық жатақханада ауылдан келген балалар тұрады. Астаналық «Бек жолы НС» серіктестігі құрылыс жұмыстарын біраз кешіктірсе, биылғы жылы уәделерін орындап шыққандай.
Облыс орталығында еліміздің Конституциялы күні және басталайын деп тұрған жаңа оқу жылы қарсаңында химия-биологиялық бағытта тереңдетіп оқытатын «Назарбаев зияткерлік мектебі» ашылды. Бұл еліміздегі 13-ші «Назарбаев зияткерлік мектебі». Енді бірінші қыркүйектен бастап облыс орталығында ашылған бұл мектепте 720 оқушы білім алады. Сондай-ақ, мектеп жанындағы 120 орындық жатақханада ауылдан келген балалар тұрады. Астаналық «Бек жолы НС» серіктестігі құрылыс жұмыстарын біраз кешіктірсе, биылғы жылы уәделерін орындап шыққандай.
Құттықтау сөз сөйлеген облыс әкімі Ерлан Арын Елбасының тапсырмасы бойынша елімізде дарынды балалар үшін білім беру деңгейі шетелдегідей заманауи мектептер салынуда. Болашақта оқушылар қоғамдық өмірде рухани және спорттық шараларға белсене қатысып, жоғары жетістіктерге қол жеткізеді деген сенімдеміз, деп сәттілік тіледі. Бұдан кейін «Назарбаев зияткерлік мектептері» дербес білім беру басқармасы» АҚ төрайымы Күләш Шамшидинова білім ошағы келешекте дарынды балаларды тәрбиелеумен қатар, отандық және дүниежүзілік озық педагогикалық тәжірибелерді жинақтап, жалпы білім беретін мектептерге таратумен айналысатынын атап өтті. Ал, жаңа мектептің директоры Дәуірхан Пірмағанбетовтің айтуынша, мектептің 7,8,9,10 сыныптарында оқу үшін барлығы 2413 оқушы іріктеу кезеңінен өтсе, 639 оқушы Елбасының «Өркен» білім беру грантына ие болыпты. Жаңа мектеп 58 оқу кабинеттерінен тұрады, оның ішінде 18 тіл кабинеті, 5 физика және химия, 9 математика, 7 биология кабинеті бар. Келген қонақтар, ата-аналар мектептің математика, физика, биология, химия, кәсіби телестудия кабинеттері, жылыжай, кітапхана бөлмелерін аралап көрді. Оқыту қазақ, орыс және ағылшын тілдерінде жүргізіледі. Мектеп жаңа компьютер желілерімен, мультимедиялық кабинеттермен, интерактивті электронды тақталармен, жоғары жылдамдықты интернетпен, инновациялық бағдарламалық құралдармен, озық технологиялармен жабдықталған. Арнайы индустриялы даму кабинеттері бар. Мұнда оқушылар кез келген өндіріс ошақтарымен сабақ үстінде отырып-ақ бейнемүмкіндіктер арқылы танысып, мамандармен тілдесе алады. Роботтар оқушының алақанын сезу арқылы орнынан қозғалды. Әрбір оқушы зерттеулер арқылы сызбалар жасайды.
Арман-қиялдан шындыққа айналған жаңа заманның ғажайып мектебі деген осы. Жаңа технологияларды білім беру үрдісіне пайдаланатын оқушылардан болашақта жаңашыл ғалымдар өсіп шықпақшы. Құтты болсын! «Назарбаев зияткерлік мектебінің» оқушылары еліміздің өркендеуіне үлес қосатын республикалық және халықаралық олимпиадалардың, ғылыми байқаулардың жеңімпаздары оқитын үздік білім орталығына айналады деп сенеміз.
Фарида БЫҚАЙ,
«Егемен Қазақстан».
ПАВЛОДАР.
