29 Тамыз, 2013

ءتورت عاسىر جايقالعان شىنار اعاشى

211 рет
көрсетілді
3 мин
оқу үшін

تۇركيانىڭ بۇرسا دەيتىن قالاسىندا 400 جىلدان استام جاساعان شىنار اعاشى بار ەكەن. تۇرىك اعايىندار عانا ەمەس، كۇللى مۇسىلمان بالاسى كيەلى دەپ ەسەپتەيتىن وسى اعاشتى كورۋگە ءبىز دە باردىق. التى ادامنىڭ قۇشاعىنا ارەڭ سياتىن الىپ داراقتىڭ ءبىر دە ءبىر بۇتاعى قۋراماي، جايقالىپ ءوسىپ تۇر. بۇل اعاشتىڭ تۇبىندە 

 

 

تۇركيانىڭ بۇرسا دەيتىن قالاسىندا 400 جىلدان استام جاساعان شىنار اعاشى بار ەكەن. تۇرىك اعايىندار عانا ەمەس، كۇللى مۇسىلمان بالاسى كيەلى دەپ ەسەپتەيتىن وسى اعاشتى كورۋگە ءبىز دە باردىق. التى ادامنىڭ قۇشاعىنا ارەڭ سياتىن الىپ داراقتىڭ ءبىر دە ءبىر بۇتاعى قۋراماي، جايقالىپ ءوسىپ تۇر. بۇل اعاشتىڭ تۇبىندە وتىرىپ تىلەگەن تىلەك ورىندالادى دەپ ەسەپتەلىنەدى. كولەڭكەسىنە قويىلعان ۇستەلدەردە ادامدار دەمالىپ، ءتۇرلى جەمىستەردەن ءدام تاتىپ، اڭگىمە-دۇكەن قۇرىپ وتىرۋدى داستۇرگە اينالدىرعان.

فوتو 125

 

وسمان يمپەرياسىنان باستاپ تالاي الماعايىپ زاماندى باستان كەشكەن اعاشتىڭ كولەڭكەسى ادامدى اۋىزبەن ايتىپ تۇسىندىرۋگە كەلمەيتىن ەرەكشە ءبىر كۇيگە بولەيدى. الىپ شىناردىڭ كولەڭكەسىندە وسى ءتورت عاسىردا كىمدەر دامىلدامادى ەكەن؟!

ءبىز دە بوس ساكىگە جايعاسىپ، جەمىستەرگە تاپسىرىس بەردىك. مۇندا ارينە، ەشقانداي ىشىمدىك ىشىلمەيدى. جانە ونداي وي ەشكىمنىڭ ميىنا كىرىپ-شىقپايدى. تۇرىك ەلىندە دە نەشە ءتۇرلى جەمىس وسەدى. ال مىنا شىنار اعاشى كولەڭكەسىمەن-اق تالاي جەرگىلىكتى تۇرعىندى اسىراپ وتىر. جاقىن ماڭداعى اۋىلداردىڭ ادامدارى وسىندا كەلىپ الما، ءجۇزىم، شابدالى ساتادى. ىشىندە ءبىزدىڭ جاقتا وسپەيتىن جەمىستەر دە بار. كيەلى اعاشتىڭ اينالاسىندا دا تۋريستىك قىزمەت جولعا قويىلعان. ءتورت عاسىر جاساعان شىنار اعاشى قازىرگى تۇرىك ەلىنىڭ بايلىعى مەن ماقتانىشى دا.

مەن ەلگە كەلگەن سوڭ وسى اعاش تۋرالى ايتىپ ەدىم، بىلەتىندەر ءبىزدىڭ جاركەنت جاقتا الىپ قاراعاش بار ەكەندىگىن ايتتى. سۇراستىرسام، -اقيقات ەكەن. سۋرەتىن تاۋىپ الىپ، تاماشالادىم. كۇتىم كورمەي، ءوز بەتىنشە وسكەنى بايقالادى.

بۇل اعاشقا دا بىلەتىن ادامدار بارىپ، ءتاۋ ەتىپ، تىلەك تىلەيتىن كورىنەدى. ءبىراق، تۋعان جەرىمىزدە ءدال وسىنداي قاسيەتتى اعاش بار ەكەندىگىن تۋريستەر تۇگىلى ءوزىمىزدىڭ دە بىلە بەرمەيتىنىمىز وكىنىشتى. ودان دا وكىنىشتىسى، ءقايبىر جىلدارى ءبىر ءدىني اعىمنىڭ ادامدارى كەي جۇرت ارنايى ىزدەپ باراتىن وسى اعاشتى ورتەپ جىبەرمەك تە بولدى. وزدەرىن اللانىڭ اداستىرمايتىن اق جولىندا ءجۇرمىز دەپ ەسەپتەيتىن توپ سول اللانىڭ قۇدىرەتىمەن عاسىرلار بويى كۇننىڭ كوزىندە، جەلدىڭ وتىندە، ايازدىڭ قۇرساۋىندا ءوسىپ تۇرعان شىنار اعاشىن جوق ەتپەك بولدى. قالاي كۇيزەلمەسسىڭ. . . تالاي زامانعا كۋا بولۋىمەن عانا قاسيەتى كوبەيگەن اعاشتى وتاۋدى قاي ءدىن قولدايدى؟!

بۇلاقتى بىتەۋ، جولدى جابۋ، جاپان تۇزدەگى جالعىز اعاشتى كەسۋ كۇنالاردىڭ ىشىندەگى ۇلكەنى ەكەنى قۇداي سوزىندە دە تايعا تاڭبا باسقانداي جازىلعان عوي. ال ءبىز. . . الىپ قاراعاش اللانىڭ امىرىمەن امان قالدى.

ايناش ەسالي،

«ەگەمەن قازاقستان».

الماتى.

-------------

سۋرەتتە: بۇرساداعى شىنار اعاشى.

Соңғы жаңалықтар