Елорда • 03 Сәуір, 2020

Қоғамдық көлік қозғалысының шектеу мерзімі ұзарады

20 реткөрсетілді

Карантиндік шаралардың күшейтілуіне байланысты елорданың қоғамдық көлігі 13 сәуірге дейін жүрмейді. Бұған дейін шектеу 30 наурыздан 5 сәуірге дейін енгізілген еді. Бұл туралы «City Transportation Systems» көлік компаниясының баспасөз қызметі хабарлады.

Бүгін, 3 сәуір күні Президент жанындағы Төтенше жағдай режимін қамтамасыз ету жөніндегі мемлекеттік комиссия коронавирус инфекциясының таралуын шектеу мақсатында тіршілік әрекетін қамтамасыз етумен және тұрғындардың денсаулығымен байланысты ұйымдарды қоспағанда, барлық кәсіпорындар мен ұйымдар үшін Нұр-Сұлтан және Алматы қалаларында күшіне енген жұмыссыз режимді осы жылдың 13 сәуіріне дейін ұзарту туралы шешім қабылдады.

Осыған байланысты 13 сәуірге дейін елорданың қоғамдық көлігі жүрмейді. Қазіргі жағдайда Нұр-сұлтан қаласында қоғамдық көлік бірінші кезекте тыныс-тіршілікті қамтамасыз ететін мамандарды тасымалдауға бағытталған.

Бүгінгі күні біздің ортақ міндетіміз - экономиканың тұрақты жұмысын қамтамасыз ету, азаматтарды әлеуметтік қорғау үшін сыни салаларды қолдау. «City Transportation Systems» көлік компаниясы 30 наурыздан бастап арнайы бағдарларда елорданың тыныс-тіршілігін қамтамасыз ететін медицина, полиция және басқа салалардың қызметкерлерін тегін тасымалдауды ұйымдастырды.

Бұған қоса осы кезеңде көлік карталарын қашықтан және лезде толықтырудың барлық тәсілдері қолжетімсіз болады. Сондай-ақ барлық мамандандырылған кассалар мен RTVМ-автоматтар жұмыс істемейді.

Соңғы жаңалықтар

Жақып Ақбаевтың жез самаурыны

Руханият • Бүгін, 07:15

Балаларға қолдау көрсетілуде

Аймақтар • Бүгін, 07:05

Ұлағат

Руханият • Бүгін, 06:55

Коронавирус һәм көлік жүйесі

Экономика • Бүгін, 06:46

Covid-19: Тағы 3 адам көз жұмды

Коронавирус • Кеше

Covid-19: 184 адам жазылып шықты

Коронавирус • Кеше

Нүкте философиясы

Руханият • Кеше

Ұқсас жаңалықтар