Елорда • 04 Сәуір, 2020

Елорда әкімі супермаркеттер мен базарлардың жұмысын тексерді

18 реткөрсетілді

Елордада бірқатар супермаркет әлеуметтік маңызы бар азық-түлік тауарларын үстеме бағасыз сатып жатыр. Бұл туралы елорда әкімдігінің баспасөз қызметі хабарлады. 

«Кенмарт», «Magnum» және тағы басқалары картоп, пияз, сәбіз және қырыққабатты өзіндік құны бойынша сатып жатыр. Бүгін елорда әкімі Алтай Көлгінов көтерме-тарату орталықтарында болып, қаланың супермаркеттері мен базарларының жұмысын тексерді. 

Нұр-Сұлтан қаласының әкімдігі әлеуметтік маңызы бар азық-түлік бағасының негізсіз өсуіне жол бермеу, қаладағы карантин және төтенше жағдай режимі кезінде санитарлық нормаларды сақтау бойынша шаралар кешенін қабылдады. Елордада тұрақтандыру қоры құрылды. Сауда желілерін жеңілдікпен несиелендіру бойынша жұмыстар жүргізілді. «Айналым схемасы» жобасына «Magnum», «Астықжан», «Кенмарт», «Small», «Шапағат», «Евразия», «Артем», «Биг Шанхай» сияқты сауда орындары қатысады. 

Бүгінгі күннен бастап мынадай тауарларға шекті бағалар белгіленуде: 1) бірінші сортты бидай ұны, 2) бірінші сортты ұннан жасалған бидай наны (пішінді), 3) рожки (өлшеніп салынатын), 4) қарақұмық жармасы (дән, өлшеніп салынатын), 5) тазартылған күріш (домалақ дәнді, өлшеніп салынатын), 6) сиыр еті (сүйекті жауырын-төс бөлігі), 7) тауық жұмыртқасы (I санатты), 8) күнбағыс майы, 9) ас тұзы («экстрадан» басқа). 

Сатушылар атап өткендей, азық-түлікке қатысты дүрбелеңге ешқандай себеп жоқ, «тұрғындар сөрелерде барлығы бар екенін көрді, сондықтан да алғашқы күндердегідей азық-түлікті қапшықтап сатып алып жатқан жоқ». Әлеуметтік маңызы бар азық-түлік бағасының негізсіз өсуіне жол бермеу және санитарлық нормаларды сақтау бойынша прокуратура мен монополияға қарсы органдардың  қызметкерлері бірлесіп рейдтер жүргізеді. Тәртіп бұзушылар жауапкершілікке тартылады.

Соңғы жаңалықтар

Кооператив көпке керек

Аймақтар • Бүгін, 10:39

Жолдыбайдағы жол жөнделмей тұр

Аймақтар • Бүгін, 09:49

Гаджетті жиі сүрткен де зиян

Технология • Бүгін, 07:48

Ла Лига 8 маусымда басталады

Футбол • Бүгін, 07:33

Күнгей мен көлеңке

Руханият • Бүгін, 07:05

Пәкістанда ұшақ құлады

Әлем • Бүгін, 07:05

Ет экспорттайтын елде ет қымбат...

Экономика • Бүгін, 06:50

Бір әулеттің тағдыры

Тарих • Бүгін, 06:42

Ең табысты теннисші

Теннис • Бүгін, 06:35

Ұқсас жаңалықтар