Коронавирус • 04 Сәуір, 2020

COVID-19 сәуірдің соңында тоқтайды - қытайлық дәрігер

21608 реткөрсетілді

Коронавируспен күрес жөніндегі Қытай Үкіметінің кеңесші дәрігері һәм ғалымдар тобының жетекшісі Зон Наншань кеше Шэнжэнь қалалық телеарнасына сұхбат беріп: «Бұйырса, осы сәуір айының соңына таман жаһанды жайлаған індеттің беті қайтып, бақылау мүмкіндігі артатын болады. Десе де, одан кейінгі жағдай көмескі. Келер көктемде қайта бас көтеруі де мүмкін екенін жоққа шығара алмаймын. Сондықтан біз вирустың болуы мүмкін екінші дауылына да төтеп берудің жолын қарастырып жатырмыз», - деді.

Сонымен қатар қытай дәрігері коронавируспен ауырып, сауыққан адамдардың да жай-күйіне тоқталды. Оның айтуынша, дерт жұғып, сауыққан адамдардың тыныс алуы бұрынғысынан 20-30 пайыз төмендеген. Ол қатты қимыл жасап, жүгірген кезде байқалып жатыр. Бұл - уақытша құбылыс. Бұдан бұрын SARS жұқпалы індетін жұқтырған адамдардың да өкпесі нашарлап, 6-12 айдың ішінде сауыққан деді.

Қытай дәрігерінің жоғарыдағы індеттің тізгінделу уақыты жайлы болжамын басқа елдің вирусолог мамандары да қолдап отыр. Айталық, ДДСҰ-ның ерекше бағдарламалар жөніндегі директоры Майк Райан өткен аптада ұйымдастырылған баспасөз конференциясы кезінде Еуропадағы ахуал тұрақтана бастады, яғни бұл жалпы құрлықтық карантин ережесінің нәтижесі деді.

Сол сияқты, Уашингтон университетінің Денсаулық сақтауды бағдарлау орталығы осы айдың 20-нан кейін дерттің беті қайта бастайды деген болжамын жариялады.

 

Соңғы жаңалықтар

Жолдыбайдағы жол жөнделмей тұр

Аймақтар • Бүгін, 09:49

Гаджетті жиі сүрткен де зиян

Технология • Бүгін, 07:48

Ла Лига 8 маусымда басталады

Футбол • Бүгін, 07:33

Күнгей мен көлеңке

Руханият • Бүгін, 07:05

Пәкістанда ұшақ құлады

Әлем • Бүгін, 07:05

Ет экспорттайтын елде ет қымбат...

Экономика • Бүгін, 06:50

Бір әулеттің тағдыры

Тарих • Бүгін, 06:42

Ең табысты теннисші

Теннис • Бүгін, 06:35

Ұқсас жаңалықтар