Қоғам • 04 Сәуір, 2020

Шымкент: Сыбайлас жемқорлық жағдайларын жоюға арналған брифинг өтті

42 реткөрсетілді

Сыбайлас жемқорлыққа қарсы іс-қимыл агенттігінің Шымкент қаласы бойынша департаменті төтенше жағдай кезінде онлайн жұмыс форматына көшті.

Осы ретте әлеуметтік желілер арқылы сыбайлас жемқорлықтың себептері мен жағдайларын жою бойынша ұсыныс қаралды (ҚПК-нің 200-бабы шеңберінде).

Брифингке департамент басшысы А.Жұмағали мен оның орынбасарлары Т.Серікбаев пен К.Қабылбеков қатысты.

Іс-шара барысында Шымкент қаласында орналасқан облыстық балалар ауруханасының бұрынғы бас дәрігеріне қатысты қылмыстық іс қаралды.

Брифинг барысында А. Жұмағали төтенше жағдай кезінде департаменттің жұмысына, сондай-ақ сыбайлас жемқорлыққа қарсы іс-қимыл бойынша қабылданып жатқан шараларға егжей-тегжейлі тоқталды.

Өз баяндамасында К. Қабылбеков қылмыстық істің мән-жайын айтып, алдағы уақытта осындай құқық бұзушылықтарға жол бермеу шараларын ұсынды.

К.Қабылбековтың айтуынша, бұрынғы бас дәрігер үлестес кәсіпорындар арқылы қолма-қол ақшаға айналдыру, сондай-ақ іс жүзінде жүргізілмеген адвокаттық қызметтер үшін 680 мың теңге сомасында ақша қаражатын аудару жолымен бюджет қаражатын жымқырды деп күдіктелуде.

Сонымен қатар, Т. Серікбаев қол астындағы қызметкерлердің сыбайлас жемқорлық құқық бұзушылықтарын жасағаны үшін бірінші басшылардың жауапкершілігі туралы заңнамаға енгізілген жаңашылдықтарды түсіндірді.

Айта кетейік, ұсынымдарды онлайн форматта қарау тұрақты негізде жүргізілетін болады.

   

Соңғы жаңалықтар

Майдан даласынан табылған бәкі

Аймақтар • 23 Мамыр, 2020

Ұқсас жаңалықтар