Саясат • 06 Сәуір, 2020

Тәртіпті болу арқылы мемлекетке көмектесе аламыз

96 рет көрсетілді

Коронавирус індеті – бүкіл адамзатқа төніп тұрған қатер. Мұндай инфекция бұрын-соңды болмаған. 1919-1920 жылдары тараған пандемиядан 150 млн-дай адам қайтыс болды деген деректер бар. Ал COVID-19 да одан кем түспейтін көрінеді. Қытайда бұл инфекция өткен жылдың желтоқсанында анықталғаннан бастап сақтық шараларына дер кезінде кірісті.

Еліміз 6 қаңтардан бастап «А» жос­парына кірісіп, арнайы бортпен Қытай­дағы студенттерімізді, туристерімізді ауырмай тұрып елге қайтарып алды. Келген соң да оларды карантиннен өткізіп, барлығын толық тексерді. Яғни, олардың барлығы екі апта карантинге жатқызылып, одан кейін де  бақылауда болды. Бұл – бір. Екіншіден, Президенттің Жарлығымен төтенше жағдай да уақтылы жарияланды. Карантин тоғыз жолдың торабындағы екі үлкен қалада басталғаны да дұрыс болды. Сол арқылы шетелден келген азаматтарымыздан ауруды ерте анықтап, ем жасалып жатыр. Бұл – оңай инфекция емес. Онымен күресу де қиынға соғып тұр. Бірақ алдын алу шаралары оңды жүргізілгендіктен қазір ауру жұқтырғандардың 80 пайыздан астамының жағдайы жеңіл. Сондықтан оларды емдеуге көп шығын да кетпейді. Науқастардың санының көбейгенінен қорықпау, қайта дер кезінде індеттің ошағын тауып, тізгіндеп жатқанымызға қуану керек.

Халық төзімділік танытуы тиіс. Пре­зидент мәлімдемесінде айтылғандай, мемлекет тарапынан ақшалай да, заттай да көмек көрсетіліп жатыр. Мұның барлығы – адамның өмірін сақтау үшін жасалып жатқан дүние. Халық осыны түсініп, алып-қашпа әңгімелерге ерік бермеуі керек деп есептеймін. Сондықтан адамдар каран­тин ережелерін қатаң сақтауы арқы­лы бір-бірі­не ғана емес, мемлекетке де көмектесе алады.

Президент менің әріптестеріме үс­те­ме­­ақы да тағайындады. Бұл Мемлекет басшы­сының медицина қызметкерлеріне деген үлкен құрметі, жоғары бағасы деп санай­мын. Тек қана медицина саласының қыз­мет­керлері ғана емес, алдыңғы шепте полиция қызметкерлері мен журналис­тер де жүр. Еріктілердің де еңбегі ерен. Міне, осылардың барлығы жұдырықтай жұмылып, біздің елімізге тән бір-біріне қамқор, жанашыр бола білетін керемет қасиетін көрсетуде. Ал қарапайым адамның бұған қосатын үлесі – тәртіп бұзбау, үйінен шықпау.

 

Жақсылық ДОСҚАЛИЕВ,

медицина ғылымының докторы, профессор, академик

Соңғы жаңалықтар

Қарағандыдағы базар өртенді

Аймақтар • Бүгін, 11:00

Көкшетау ұлы Абайды ұлықтады

Аймақтар • Бүгін, 09:50

Оңалту қызметіне қосылған үлес

Руханият • Бүгін, 08:24

«Өмір» мен «Шипаның» шарапаты

Аймақтар • Бүгін, 07:59

Ескі латын әліпбиін ескерсек

Руханият • Бүгін, 07:53

Бағаны бұзатын – делдал

Аймақтар • Бүгін, 07:42

Қан тапсыру – сауапты іс

Қоғам • Бүгін, 07:37

Абайды іздеген қыз

Абай • Бүгін, 07:29

Аптаның үздігі атанды

Хоккей • Бүгін, 07:20

74 жастағы кәсіпқой футболшы

Футбол • Бүгін, 07:19

Неге оң жақта отырып қалады?

Руханият • Бүгін, 07:13

Ұқсас жаңалықтар