Қоғам • 08 Сәуір, 2020

Брайль жүйесі Android пен iOS функцияларына енгізілуде

25 реткөрсетілді

Республикалық зағип және көру қабілеті төмен азаматтарға арналған кітапхананың Кітап қорын сақтау және абонемент бөлімінің қызметкері Анна Кондратьева «Android және iOS операциялық жүйелерінде брайльдік енгізу» тақырыбында дистанциялық дәріс өткізді.

Кітапхананың баспасөз қызметінің деректеріне сүйенсек, мәтінді сенсорлық пернетақтаның көмегімен және дауысты енгізумен қатар, сенсорлық құрылғылардың зағип тұтынушылары арасында брайльдік енгізу танымалдық сипат алуда. Бұл IOS-та 2016 жылдан бастап енгізілген, қосымша бағдарламаларды орнатуды талап етпейтін стандартты функция. Android-да бұл функция бөгде пернетақталарды, соның ішінде ақылы пернетақталарды қолдану арқылы жүзеге асырылады.

Брайль енгізуін пайдаланған кезде, құрылғы экранында параметрлерге байланысты алты немесе сегіз нүкте көрсетіледі. Нүктелерден қажетті комбинацияны бір мезгілде басқанда, экранда оған сәйкес таңба пайда болады. Сандар мен кейбір белгілерді жазу үшін нүктелердің комбинациясы, соның ішінде пунктуациясы таңдалған брайльдік кестеге байланысты.

Дәріс барысында маман жаңа контакт құру мысалында Android және iOS операцияларына брайльдік жүйелер енгізу мүмкіндіктерін көрсетті.

Дәрісті мына сілтемеден тыңдауға болады: https://yadi.sk/d/V5JsPf77JtoGzQ

Соңғы жаңалықтар

Ғасыр зұлматы

Қоғам • Бүгін, 09:30

Із қалдырған ірі тұлға

Қоғам • Бүгін, 07:06

Ұқсас жаңалықтар