Аймақтар • 08 Сәуір, 2020

Атырау: Автоеріктілер 160-тан астам отбасыға азық-түлік жеткізді

27 реткөрсетілді

Облыстық Ішкі саясат басқармасы жанындағы Азаматтық орталық алаңында құрылған еріктілер штабының бір бағыты – автокөлікпен азық-түлік және дәрі-дәрмектер жеткізу. Қазір автоеріктілердің 150 мүшесі жалғызбасты қарияларға, мүмкіндігі шектеулі жандар мен көпбалалы отбасыларға азық-түлік себетін жеткізумен айналысуда.  

«Осы кезге дейін автоеріктілер 164 отбасына қажетті азық-түліктерді жеткізіп берді. Енді біз азық-түлік себетін тағы 100 мұқтаж адамға жеткіземіз. Жергілікті кәсіпкер әйелдердің бірі қажетті тауарлардың жиынтығын алып бермек» деді Азаматтық орталықтың жетекшісі Әйгерім Досқалиева.

Оның айтуынша, мұқтаж жандардың тізімі 109 сенім телефонына түскен, азаматтардың өздері жазған өтініштерге, сондай-ақ, «Жүректен Жүрекке» қайырымдылық қорының базасындағы мәліметтерге байланысты жасалған. Ал азық-түліктерді сатып алуға жергілікті кәсіпорындар мен кәсіпкерлер көмектесуде.

 

Жұмасат ҒАЗИЗ

Атырау облысы

Соңғы жаңалықтар

Covid-19: Тағы 3 адам көз жұмды

Коронавирус • Кеше

Covid-19: 184 адам жазылып шықты

Коронавирус • Кеше

Нүкте философиясы

Руханият • Кеше

Ұқсас жаңалықтар