Осыған дейін де қиналғанды қамқорлықтан шет қалдырмаған кәсіпкер бұл жолы әр отбасыға 10 келі күріш, 2 литрлік күнбағыс майы және 5 келі макарон таратты.
- Бұл кезең бәріміз үшін сынақ. Осы уақытқа дейін елімізде төтенше жағдай жарияланған емес. Осыдан да көп адам қиналып қалып жатыр. Сондықтан да тығырықтан бірге шығудың жолын қарастырып, бір-бірімізге қолдау танытуымыз керек, – дейді кәсіпкер.
Қазір ауданда 8 тұрғыннан вирус белгісі табылып, бірқатар шектеу шаралары жасалды. Бұл ең алдымен әлеуметтік жағынан аз қамтылғандар үшін қиын тиетіні белгілі. Сондықтан да көмек алғандар осындай қысылтаяң сәтте қолұшын созған кәсіпкерге ризашылығын білдірді.
