Коронавирус • 12 Сәуір, 2020

Атырауда алғашқы науқас жазылып шықты

4 рет көрсетілді

Кешегі күннің соңғы ақпараттарына жүгінсек, елімізде коронавирус жұқтырғандардың саны 897 адамға жетті.

Атап айтқанда, Нұр-Сұлтан қаласында – 238, Алматы қал­асында – 145, Шымкент қаласында 38 жағдай тіркелсе, облыс­тардың ішінде індетті ең көп жұқтырған Қызылорда облысы (116 адам) болып тұр. ­­­­­­­­­­­Ал Ақмола облысында – 71,­ ­­Қарағанды облысында – 65, ­­­­Атырау облысында – 59, Жамбыл облысында 46 адам вирус жұқтырса, Түркістан облысында – 36, Солтүстік Қазақстан облысында – 25, Ақтөбе мен Алматы облыстарында 11 науқастан тіркелді. Ауруға шалдыққандардың саны Маңғыстау облысында – 10, Павлодар облысында – 9, Батыс Қазақстан облысы – 8, Шығыс Қазақстан облысында – 6, Қостанай облысында 3 адамға жетіп отыр. Республика бойынша COVID-19 вирусын жұқтырғандардың 86-сы жазылып шықса, 10 адам көз жұмды.

Кеше Атырау облысының әкім­дігі жұқпалы аурулар ста­ционарынан коронавирус жұқтырған алғашқы пациент­тер­дің жазылып шыққанын хабарлады. Олар – 27 наурызда ауруханаға жатқызылған 14 жастағы қыз бен 19 жастағы жігіт. Екеуі де 14 күн бойы медициналық қызметкерлердің бақылауымен үй карантинінде болады.

Сон­дай-ақ Нұр-Сұлтан қала­­сы әкімдігінің жанындағы төтен­ше жағдай режімін қам­та­масыз ету жөніндегі қалалық штаб Мемлекет басшысының тапсырмасына сәйкес карантин сәуір айының соңына дейін ұзартылатынын хабарлады. Бүгін Төтенше жағдайлар жөніндегі мемлекеттік комис­сияның отырысында жұ­мы­сын қайта бастай алатын кәсіпорындардың нақты тізі­мі қаралмақ. Алайда, жұ­мы­сын қайта бастайтын нысан­дар қатаң санитарлық-эпи­де­миялық режімді қамтамасыз етуге міндетті.

 

Соңғы жаңалықтар

Ломаченко-Лопес: жастың аты жас екен

Кәсіпқой бокс • Бүгін, 06:28

Жігіттер жұлқынып тұр

Спорт • Бүгін, 06:26

Адамзат ақыл-ойының алыбы

Руханият • Бүгін, 06:22

Ақ бесікте тербеткен

Руханият • Кеше

Бүгін – Құтқарушылар күні

Қазақстан • Кеше

Ұқсас жаңалықтар