Коронавирус • 13 Сәуір, 2020

Эпидемия шарықтау шегіне жеткен жоқ

45 рет көрсетілді

Жұма күні Орталық коммуникациялар қызметінде өткен онлайн баспасөз мәслихатында Денсаулық сақтау министрлігінің жа­уапты хатшысы Ботагөз Жақселекова еліміз індеттің шарықтау кезеңін әлі өткермегенін айтты.

«Карантин енгізілгеннен кейін аурудың өсу қарқыны республика бойынша 24%-дан 7%-ға дейін төмендеді. Яғни, соңғы төрт күнде коронавирус жұқтырудың жаңа жағдайларының бәсеңдегенін байқаймыз. Алайда, Қазақстанда эпидемия шарықтау шегіне жет­пе­генін айта кету керек. Нұр-Сұлтан және Алматы қалаларында каран­тин шараларының күшеюіне байланысты эпидемияның өсі­мі айтарлықтай баяулады. Деген­мен басқа өңірлерде эпидемия өршіп барады. Қазақстанда эпи­демияның шырқау шегі шамамен бір-екі аптаның ішінде болады деген болжам жасалып отыр», деген министрлік өкілі 4 сәуірден бері Нұр-Сұлтан қаласында аурудың өсу қарқыны 8,4%-дан 0,9%-ға, Алматыда 15%-дан 2,5%-ға дейін төмендегенін жеткізді.

Алматыда емделіп жатқан бір науқастың жағдайы өте ауыр екенін хабар­лаған Б. Жақселекова: «Қа­зір стационарлық емді 712 науқас қабылдап жатыр. Алматыда жатқан пациенттердің бірінің жағдайы аса ауыр. 17 науқастың жағдайы ауыр, 107 науқастың жағдайы орташа деңгейде. Ал ауру жұқтырғандардың 80%-ы, яғни 587 адамның ауруы жеңіл немесе симптомсыз», деді.

Бұдан бөлек Ботагөз Жақ­селекова медицина қыз­мет­кер­ле­рі­не беріліп жатқан сыйақының жайына тоқталды. Оның айтуын­ша, жергілікті атқарушы орган­дардың жанынан медицина қыз­мет­керлеріне қосымша сы­йа­қы төлеуді қадағалайтын комиссия құрылған. Медициналық ұйым­дар­дың басшылары сыйақы алатын қызметкерлердің аты-жөні көрсетілген тізімді комиссияға береді. Төлем Әлеуметтік меди­цина­лық сақтандыру қорының есебінен беріледі. «Бұйрық бо­­йынша жедел басқару штабы­ның бастығы немесе оның орын­ба­сарының басшылығымен жер­гі­лік­ті атқарушы органның жа­ны­­­нан комиссия құрылады. Оның құрамына облыстың бас са­нитарлық дәрігері, ден­сау­лық сақтау, жұмыспен қам­ту және әлеуметтік қорғау басқар­ма­ларының, үкіметтік емес құ­рылым­дардың өкілдері кіреді. Наурыз айында шамамен 5,2 млрд теңге көлеміндегі қара­жат­қа денсаулық сақтау ұйым­да­рымен келісімшарт жасалды. Ме­дицина қызметкерлеріне 8 сәуірден бастап осы қаражаттан аударылып жатыр. Кеше бес аймақ өз қыз­меткерлеріне сыйақыны аудар­­­ды. Қалған аймақтар жұмыс­ты жалғастыруда», деді министр­лік­тің жауапты хатшысы.

Сондай-ақ спикер елімізге көмекке келген Қытай делега­ция­сы Нұр-Сұлтан, Алматы және Қарағанды қалаларындағы көп­бейі­нді ауруханалар мен клиникаларды аралап, ЖОО-ларда кездесу өткізетінін, олармен еліміздің медицина мамандары арасында онлайн тәжірибе алмасу да болатынын атап өтті. «9 сәуірде елімізге Қытайдың 10 медицина қызметкері келді. Олардың ішінде интенсивті терапия, инфекциялық бақылау, пульмонология, эпидемиология, қоғамдық денсаулық сақтау саласындағы мамандар бар. Сонымен қатар делегация құрамында жаңа коронавирус инфекциясымен күресте тәжірибесі бар медбике де келді. Қытайлық делегацияның бағдарламасы өте мазмұнды. 15 күнге созылады. Олар көпбейінді ауруханалар мен клиникаларды аралап, әртүрлі мамандықтағы дәрігерлермен онлайн-тренинг өткізеді. Делега­ция­мен тәжірибе алмасу үшін аудандық деңгейге дейінгі меди­ци­налық қызметкерлерімізді тартып отырмыз. Медициналық ЖОО-ларда кездесу мен бас­па­сөз мәслихаттарын да өткізеді. Маман­дар вирусты анықтау алго­ритмі, байланыста болған адам­­дарды оқшаулау, Қытайдағы эпи­­де­миялық зерттеу әдіс­­терін пайдалану, емдеу хат­­тамалары мен диагностика, меди­циналық қызметкердің вирус жұқтыруын болдырмау амал­дары жайлы айтады», деді Б.Жақселекова.

Соңғы жаңалықтар

«Барыс» тағы жеңілді

Хоккей • Бүгін, 08:29

Кукушкин – келесі кезеңде

Теннис • Бүгін, 08:16

Бизнестің сәтті бастауы

Бизнес • Бүгін, 08:09

Асыл ағаны ардақтайық

Руханият • Бүгін, 07:49

Ақжайықтың Абайы

Руханият • Бүгін, 07:40

Карантин талабы күшейе ме?

Аймақтар • Бүгін, 07:36

Интернетпен қаншалықты қамтыламыз?

Технология • Бүгін, 07:32

Әлемді ойын арқылы басқару

Қоғам • Бүгін, 07:29

Аргентинаның алтын баласы

Спорт • Бүгін, 07:15

Коронавирусты таратпаудың қамы

Аймақтар • Бүгін, 07:07

Ұқсас жаңалықтар