Қызылорда: Індет қайта белгі берді

Өңірлік коммуникациялар қызметі алаңында брифинг өткізген облыстық денсаулық сақтау басқармасының басшысы Жақсылық Әбдісәметов жаңадан тіркелген науқастар жайлы тарата айтты.

- Үш науқастың біреуі Жаңақорған ауданынан, ал екеуі Шиеліден тіркеліп отыр. Бұлар бұрын науқаспен қарым-қатынаста болғандар ретінде карантиндік бақылауға алынған. Қазір үшеуі де ауруханаға жатқызылып, тиісті емдеу шаралары басталды. Осымен облыста вирус жұқтырғандар саны 119-ға жетті, – деді облыстың бас дәрігері.