Аймақтар • 13 Сәуір, 2020

Түркістан: Індет жұқтырғандардың алтауы бір отбасыдан

256 рет
көрсетілді
1 мин
оқу үшін

Түркістан облысында коронавирус індетін жұқтырған тағы 7 адам тіркелді. Соңғы мәліметтер бойынша өңірде коронавирус инфекциясын жұқтырған азаматтар саны – 43-ке жетті.

Түркістан: Індет жұқтырғандардың алтауы бір отбасыдан

Індет жұқтырғандардың алтауы бір отбасының мүшелері, яғни Арыс қаласы, Наурыз ауылының  1965 ж. 1987 ж., 1989 ж., 1998 ж., 2004 ж.,  2010 жылы туған тұрғындары. Сондай-ақ Бәйдібек ауданы, Бөген ауылдық округі, Мыңбұлақ ауылының 1987 жылы туған тұрғыны COVID-19 вирусын жұқтырған азаматпен жақын байланыста болған. Вирус жұқтырғандар қазіргі уақытта оқшауланып, тиісті ем қабылдауда. Олармен байланыста болғандарды анықтап, оқшаулау жұмыстары жүргізілуде.

Жалпы облыс бойынша Жетісай ауданында – 14 адам тіркелген, оның ішінде 64 жастағы азамат 4 сәуір күні қайтыс болды. Сондай-ақ, Арыс қаласында - 14, Кентауда - 5, Ордабасы  - 2, Сайрам - 2, Мақтарал - 4, Сарыағаш – 1, Бәйдібек ауданында 1 тұрғын індетке шалдыққан.

 

Түркістан облысы