Қоғам • 16 Сәуір, 2020

416 шақырым шойынжол күрделі жөндеуден өтеді

10 рет көрсетілді

Темір жол инфрақұрылымын дамыту – «Қазақстан темір жолы» ҰК» АҚ басым бағыттарының бірі. Биыл 416 шақырым шойын жолы күрделі жөндеуден өтпек.

Жұмыстар 6 сәуірде – Бес­көл жол дистанциясының Достық – Ақтоғай учас­ке­сін­де басталды. Жоспардағы 23,8 шақырым жолдың 3,5 шақырымы жөнделді.
13 сә­уірден бастап жұ­мыс­тар елі­міздің батысында – Қан­ды­ағаш жол дистан­ция­сы­ның Қандыағаш – Сағыз учаскесінде бастау алды.

Әр нысанда 80 жұмысшы және 30 механизатор жұмыл­ды­рылған. Жөндеу пойыздары, крандар, МПД және УСО темір жол платформалары, ауыр типті жол машиналары және өзге де техникалар қолданылуда. Іске кіріскен мердігер ұйымдар – «Integra Construction KZ» ЖШС және «Теміржол жөндеу» ЖШС.

– Жұмыс тоқтаусыз, штат­тық режімде жүруде. Коро­на­вирус індетімен күресу шең­берінде қабылданған бар­лық қауіпсіздік шаралары назарға алынған, – деді «Ма­гис­тральдық желі дирекциясы» филиалының Жол және құрылыстар департаментінің жолдарды күрделі жөндеу бөлімінің басшысы Берік Аханов.

 

Соңғы жаңалықтар

Ұқсас жаңалықтар