117 жылдық тарихы бар «Тур де Франс» биыл 27 маусым мен 19 шілде аралағында өтуге тиіс еді. Бірақ коронавирусқа байланысты ол кейінге шегерілді. Енді Франция аумағында өтетін дүбірлі доданың жалауы 27 тамыз бен 20 қыркүйек аралығында желбірейді. Осы орайда, белгіленген бағытттардың еш өзгермегенін айта кеткіміз келеді.
Мамыр айында басталуға тиіс «Джиро д'Италияның» да кейінге шегірілуіне жоғарыда айтылған жаман ауру себепкер болды. Апеннин түбегіндегі жарыстың тұсауы сонау 1909 жылы кесілген болатын. Үстіміздегі жылы ол 20-27 қыркүйек аралығында Швейцарияда өтетін велошосседен әлем чемпионаты аяқталған бетте басталады.
