Қазақстан Республикасы Қаржы министрлігі Қаржы мониторингі комитетінің Батыс Қазақстан облыстық экономикалық тергеу департаменті қызметкерлері жедел-іздестіру шаралары барысында мұнай өнімін тиісті құжатсыз тасымалдаған көлікті ұстап алды. Жанармай «НафтунОйл» ЖШС-нен Қазталов ауданының бірнеше балабақшасы мен мектебіне жылыту маусымына пайдаланылатын ДТ-3-К4 маркалы Еуро стандартына сәйкес дизель отыны ретінде жолданған екен.
Оқиға былай болған: «НафтунОйл» кәсіпорнының директоры 2019 жылы тамыз айында Қазталов ауданындағы оқыту мекемелерімен 59 млн теңге сомасына жалпы көлемі 247 тонна дизель отынын жеткізу үшін бірнеше келісім-шарт жасаған. Алайда, дизель отынының орнына мұнайды екінші рет бөліп алу процесінде алынатын фракциялар (бензин, керосин) қоспасы жалған құжатпен жеткізіліп отырған.
Қазіргі таңда Қазталов ауданының №2 соты зиянкес кәсіпкерді Қазақстан Республикасы Қылмыстық кодексінің 197-бабының 2-бөлімі бойынша соттады.
Сот ЖШС директоры Е.Серікбаевты 20 айлық есептік көрсеткіш көлемінде 50500 теңге айыппұл төлеуге, одан мемлекет пайдасына 1097872 теңге процессуалдық шығындарды өндіріп алуға және Жәбірленушілердің жәрдемақы қорына 5 айлық есептік көрсеткіш – 12625 теңгені мәжбүрлеп аудартуға үкім етті.
«2020 жылғы 10 сәуірде Төтенше жағдай жөніндегі Мемлекеттік комиссияның кезекті отырысында Қазақстан Республикасы Қасым-Жомарт Тоқаев атап өткен тапсырмаларды орындау мақсатында министрліктің Қаржы мониторингі комитеті сапасыз жанар-жағармайды заңсыз жеткізетін компаниялар мен жеке тұлғаларды анықтау бойынша жүйелі жұмыс жүргізуде» делінген Қаржы мониторингі комитетінің Баспасөз қызметі.
Батыс Қазақстан
