Қазақстанда бөкендердің бір-бірінен оқшауланған үш қауымдастығы бар. Ақмола облысында ақбөкендердің бетпақдала популяциясы мекендейді. Соңғы жылдары олар Атбасар, Егіндікөл, Жақсы, Жарқайың және Қорғалжын аудандарында жиі кездесуде. Сондай-ақ, 6-8 бөкеннен топтасқан үйірлері Астрахан мен Целиноград аудандарында ұшырасқан.
Біздің өңірде де киелі жануарларды мылтықтың қарауына ілетін безбүйрек браконьерлермен күрескүшейтілуде. Сайын даланың еркесі – ақбөкенді қорғауға бағытталған шаралар жоғарыда аталған аудандарда ширатыла түсті.
–Құқық қорғау, қоршаған ортаны қорғау және басқа органдардың өзара іс-қимылын үйестіру штабы бекітілді. Бірлескен іс-шаралар жоспары жасалды. Аңшылық алқаптар мен ерекше қорғалатын табиғи аумақтарда рейдтік іс-шараларды жүзеге асыратын мобильді топтар құрылды. Акция басрысында басқа да жұмыстар атқарылмақ,–дейдіоблыстық орман және жануарлар әлемі аймақтық инспекциясы басшысының міндетін атқарушы Нығмет Қауашев.
Көп болып жұмылсақ, желмен жарысқан киелі жануарлардыңқатары сиремес.
Ақмола облысы.
