Сонау бұрынғы өткен дәуірде селеуі тербелген, сайын даланың бір жігіті жат елдің аруына өлердей ғашық болыпты. Қыз айтыпты: «Мен саған әйел болайын, бірақ 100 түрлі шартым бар, соны орында». Жігіт қуана келіседі. Алғашқы шартым – дейді қыз жігітке: биік жартасқа шығып секір. Жігіт оны орындап, аяғын сындырады.
Екінші шартым: аяғыңды ақсамай бас – дейді, қыз. Оны да орындайды. Сол сияқты, киімге су тигізбей өзеннен өту, шапқан атты тоқтату, асауды ноқта-жүгенсіз үйрету, кеудесіне алма қойып қылышпен шаптыру, тағы басқа 99 шартын мүлтіксіз орындайды.
Соңғы жалғыз шартым – депті қыз: «Енді өз ана тіліңді ұмыт». Сол сәтте жігіт көзінен ұшқын шашып, белдеудегі тұлпарына қарғып мінеді де, «хош» деп сағым ойнаған сар далаға сіңіп кетіпті.
Ұқсас жаңалықтар
Ақпараттық сайт жасау және техникалық қолдау - bugin.soft 2024
© 2005-2024 Меншік иесі: «Қазақ газеттері» ЖШС.
Қазақстан Республикасы, Астана қаласы, Егемен Қазақстан газеті көшесі, 5/13. БСН:060640001476
ҚР Ақпарат және коммуникация министрлігінің №KZ75VPY00062699 куәлігі берілген.
Сайт материалын пайдалану үшін редакция келісімі керек және гиперсілтеме жасау міндетті.
