Биыл карантинге байланысты зиратқа тек жерлеу рәсімдерін жүргізу үшін баруға рұқсат етілген.
Қаладағы зиратқа адамдардың топтасып жиналуын болдырмау үшін Полиция департаменті кезекшілік ұйымдастырмақ.
Бұған дейін Орталық коммуникациялар қызметінің алаңында өткен баспасөз конференциясында Астана және Қазақстан митрополиті Александр ғибадатханалардағы Құдайға құлшылық ету салттары жабық режимде өтетінін хабарлаған болатын. Марқұмдардың есімдері жазылған хаттарды заманауи коммуникация құралдары арқылы, яғни электронды пошта немесе мессенджерлерді пайдалана отырып ғибадатханаларға жолдауға болады.
Карантин аяқталғаннан кейін бүкіл Қазақстан бойынша пасхалық сенбілердің бірінде марқұмдарды еске алу үшін құдайға құлшылық ету рәсімдері салтанатты түрде өтеді.
