Премьер-Министрдің орынбасары – Индустрия және жаңа технологиялар министрі Әсет Исекешев «Macquarie Russia & CIS Infrastructure Fund» қорының төрағасы Арон Рубин басқарған австралиялық бизнес-делегациясымен кездесті.
Премьер-Министрдің орынбасары – Индустрия және жаңа технологиялар министрі Әсет Исекешев «Macquarie Russia & CIS Infrastructure Fund» қорының төрағасы Арон Рубин басқарған австралиялық бизнес-делегациясымен кездесті.
Тараптар Қазақстандағы инвестициялық ынтымақтастықтың мәселелерін талқылады. Macquarie компаниясының өкілдері энергетика, көлік (оның ішінде, авто, темір жолдары, порттар және әуежайлар), тұрғын үй-коммуналдық сектор және телекоммуникация салаларына инвестиция салуға қызығушылық білдірді.
Арон Рубин атап өткендей, Macquarie компаниясы әлем бойынша ең ірі инфрақұрылым инвесторы болып табылады, оның басқаруында жалпы капиталдануы 101 млрд. АҚШ долларын құрайтын 46 қор бар. Macquarie Russia & CIS Fund қорларының бірі инфрақұрылымдық секторға инвестициялар бойынша белсенді жұмысты бастады. Алғашқы инвестициялар Ресейде энергетикалық, көліктік және телекоммуникациялық секторларға жасалған еді.
Өз кезегінде Әсет Исекешев елімізде жүргізіліп жатқан жаңа инновациялық-индустриялық саясат туралы әңгімеледі, бұл саясат төңірегінде тікелей шетелдік инвестициялардың тартылуына орасан зор мән беріледі. Осыған орай, қазіргі кезде инвестицияларды тарту бойынша бірқатар ынталандырушы шараларды көздейтін ұлттық жоспар іске асырылуда.
Тараптар жақын арада қазақстандық компаниялардың жобаларын егжей-тегжейлі қарауға уағдаласты.
«Егемен-ақпарат».
